28/10/2025
Credit ဆွေလှိုင်ဦး (မြို့ပြ ၂၀၀၄)
Method of Statement လား? Method Statement လား?
Repost:
Method of Statement (MOS) လို့ ကျနော်တို့ဆီမှာ အသုံးများကြတယ်။ နည်းလမ်းဆိုတဲ့ Method ကို အသားပေးဖေါ်ပြရတဲ့ Document ဖြစ်တဲ့ အတွက် ဘယ်လိုတည်ဆောက်မယ်ဆိုတဲ့ နည်းလမ်း Method ကို Statement အနေနဲ့ ဖော်ပြတာဖြစ်တဲ့အတွက် Method Statement လို့သာ ရေးသင့်ပါတယ်။ Method of Statement ဆိုလျင် ဖော်ပြချက်တွေရဲ့ နည်းလမ်းလို့ ဘာသာပြန်ရမလိုဖြစ်နေတယ်။ ဖော်ပြချက် Statement ကို အသားပေးသလိုဖြစ်နေတယ်။ ဒါကြောင့် Method Statement (MS) လို့သုံးစွဲဖို့ အကြံပြုကြပါတယ်။ International Project တွေမှာလည်း Method Statement ( MS) လို့သာ ရေးသားသုံးစွဲကြပါသည်။
What is Method Statement (MS)
MS ဆိုတာ အဓိကကျတဲ့ ဆောက်လုပ်ရေးလုပ်ငန်းစဥ်တွေကို ဘာပြီးရင် ဘာလုပ်မယ်၊ ဘယ်လိုလုပ်မယ် ဆိုတာ တိတိကျကျ တဆင့်ပြီးတဆင့် ရှင်းလင်းဖော်ပြထားတဲ့ Document ဖြစ်ပါတယ်။ အဆောက်အအုံတည်ဆောက်ရေးမှာဆိုလျင် Piling လုပ်ငန်း၊ Excavation လုပ်ငန်း၊ ကွန်ကရစ်လုပ်ငန်း၊ Waterproofing လုပ်ငန်းစသည်ဖြင့် အရေးကြီးလုပ်ငန်း အသီးသီးအတွက် အသေးစိတ်လုပ်ငန်းစဥ်တွေကို ရေးဆွဲပြီး MS တင်ပေးရပါတယ်။ Method Statement ကြိုတင်ပြင်ဆင်ထားခြင်းအားဖြင့် မိမိတို့ ပြုလုပ်မည့် အရာကို ကြိုတင်သိရှိပြီး လိုအပ်သည်များ ပြင်ဆင်နိုင်ခြင်း၊ လုပ်ငန်းမှာပါ၀င်သူအားလုံးက မိမိဘာတွေပြုလုပ်ရမည်ကို သိရှိနားလည်ထားခြင်း၊ ဖြစ်ပေါ်လာနိုင်တဲ့ Safety and environment issue တွေကို ကြိုတင်သိရှိကာကွယ်နိုင်ခြင်း၊ quality ကောင်းစွာရရှိအောင် စီမံနိုင်ခြင်း၊ Progress ကောင်းကောင်းဖြင့် အချိန်မီပြီးစီးအောင် ဆောင်ရွက်နိုင်ခြင်း စသည်ဖြင့် အကျိုးကျေးဇူးများစွာ ရရှိစေမည်ဖြစ်ပါတယ်။
Method Statement မှာပါ၀င်တာတွေ
-Purpose: Method statement ပြင်ဆင်ရတဲ့ ရည်ရွယ်ချက်
-Scope: မိမိဆောက်ရွက်မည့် လုပ်ငန်းများမှာ ပါ၀င်တဲ့ scope တွေ
-Machinery list, Manpower list, Organization chart စတာတွေ
-Schedule or Programme လုပ်ငန်းစတင်မည့်အချိန်၊ ပြီးစီးမည့်အချိန်နှင့် လုပ်ငန်းစိတ်များ
-Step by Step ex*****on procedure ဘာပြီးလျင် ဘာလုပ်မယ် စတဲ့ လုပ်ငန်းအစီအစဥ် အသေးစိတ်
-Quality control ကိုဘယ်လိုလိုက်နာမယ်၊ Non-conformance မဖြစ်အောင်ဘယ်လို ထိန်းမယ်ဆိုတာတွေ
-Safety & Health procedure တွေ၊ Risk assessment တွေ
-Environment issue and countermeasure တွေ
-ITP & Checklist attachement
စတာတွေ အများအားဖြင့် ပါ၀င်ကြပါတယ်။ လုပ်ငန်းလိုအပ်ချက်ပေါ်မူတည်ပြီး Drawing များ၊ Photo များ၊ sketch, table & graph များထည့်သွင်းပြီး attachment များစွာဖြင့် Submission တင်ရတတ်ပါတယ်။ Stakeholder/Client က သဘောတူလက်ခံ (approved) ဖြစ်ပြီဆိုလျင်လည်း အဆိုပါ Method Statment အတိုင်း အတိအကျ လိုက်နာ ဆောက်ရွက်ကြရပါတယ်။
ဒါကြောင့် Method Statement ပြင်ဆင်ခြင်းဆိုတာ Quality Assurance လုပ်ငန်းစဥ် တစ်ခုဖြစ်တယ် လို့လည်းဆိုနိုင်ပါတယ်။
ဆွေလှိုင်ဦး (မြို့ပြ ၂၀၀၄)
