Shwe Yote Hlwar

17/06/2024

မေ-အကျွန်ုပ်၏ ၊
ပဉ္စက္ခန္ဓာ- ခန္ဓာငါးပါး နာမ်ရုပ် တရားတို့သည် ၊
အနိစ္စံ-မမြဲလေစွ တကား ၊
ဒုက္ခာ- ဆင်းရဲလေစွတကား ၊
အနတ်တာ- အစိုးမရလစှေ တကား ၊
အနိစ္စာယ-မမြဲခြင်းကြောင့်
ဒုက္ခယ- ဆင်းရဲခြင်းကြောင့်
အနတ္တာယ- အစိုးမရခြင်းကြောင့်
မရိဿန္တိ- သေကြေပျက်စီး ရလတ္တံ.ပါတကား။
မရဏံတံ- သေရခြင်းသဘောကို
ဂမိဿာမိ- ရောက်ရလတ္တံ.
ဣမံသဗ္ဗကာယံ - အလုံးစုံသော
ဤ ခန္ဓာ ကိုယ်ကြီးကို
ခိပ္ပိဿန္တိ- လူသူမနီး
တစပြင်ကြီးသို့
စွန့်ပစ်ရလတ္တံ.ပါတကား

ရွှေရုပ်လွှာ

14/06/2024

🙏🙏🙏 မျှဝေပူဇော် 🙏🙏🙏

မကောင်းတဲ့အလုပ်နဲ့ ကောင်းတဲ့အလုပ်ကို
ဘယ်လို သတ်မှတ် တိုင်းတာသလဲ။
°°°°°°°°°°°°°°°°°°°°°°°°°°°°°°°°°°°°°°°°°°°°
(၁) မကောင်းတဲ့အလုပ်ဆိုတာ...

လုပ်ပြီးရင် စိတ်ပူနေရတယ်။ ကြောက်လန့်
နေရတယ်။

လုံခြုံမှု မရှိ။လန့်ဖျပ်နေရတဲ့ အနေအထား။

အကျိုးပေါ်လာတဲ့အခါ ရှိုက်ကြီးတငင်ငိုယိုပြီး ဆိုးကျိုးကို ကြိတ်မှိတ်ခံစားရတဲ့ အလုပ်မျိုး။

နှစ်ဦးလုံးကို ပျက်စီးစေတယ်။အကုသိုလ် တိုးပွားစေတယ်။

အဲ့ဒီ အကျိုးတွေ ရစေတာကို မကောင်းတဲ့ အလုပ်လို့ သတ်မှတ်တယ်။

(၂)ကောင်းတဲ့အလုပ် ဆိုတာ...

လုပ်ပြီးရင်ဘယ်တော့မှ စိတ်မပူရဘူး။

လုပ်ပြီးတဲ့ နောက်မှာ...
Resultပေါ်လာတဲ့အခါ နှစ်ခြိုက်ပီတိဖြစ်
အကျိုး ခံစားရတဲ့အလုပ်မျိုးဟာ ကောင်းတဲ့အလုပ်။

ကိုယ်ကော သူတပါးရော မထိခိုက်ဘူး။

ကောင်းတာ မကောင်းတာ ခွဲခြားသိပြီး မလုပ်မိဖို့ စောင့်ရှောက်ရမယ်။

လူတစ်ယောက်က ကြီးပွားတိုးတက်ချင်တယ်။
မကောင်းတဲ့ လုပ်ရပ် မကောင်းတဲ့ အပြုအမူတွေကို မလုပ်မိဖို့ သတိထားရမယ်။

မကောင်းတဲ့ လုပ်ရပ် မကောင်းတဲ့ စိတ်ဓာတ်က ကောင်းတဲ့သူကိုဖျက်ဆီးတယ်။

ငါသည် ငါ့ရဲ့မိတ်ဆွေ ရင်းချာသာ ဖြစ်ရမယ်။

ကိုယ့်ကိုယ်ကိုလေးစားမယ် မြတ်နိုးမယ် တန်ဖိုထားမယ်။

မကောင်းတဲ့အတွေးတွေ အပြောတွေ
လုပ်ရပ်တွေ မဖြစ်ပါစေနဲ့။

ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ

#ပါချုပ်ဆရာတော် #တရားမှတ်စု

29/05/2024

လူကြီးမင်းတို့၏နေအိမ်တွင်ကြည်ညိုဖွယ်ကောင်းပြီး
သပ္ပါယ်လွန်းလှသော ဘုရားဆင်းတုတော်များကို စိတ်တိုင်းကျကိုးကွယ်ချင်တယ်ဆိုရင်တော့
Shwe Yote Hlwarပန်းပုရုံမှ မှာယူနိုင်ပါတယ်ခဗျာ။😊
✔✔ကျွန်းနက်သားအစစ်/သရက္ခံသားအစစ်/မဟော်ဂနီနှင့်လူကြီးမင်းတို့ကိုးကွယ်ချင်သောနေ့နံသားများကိုသာ အသုံးပြုပြီးထုလုပ်ရောင်းချပေးခြင်း။(အတုအပ🚫🚫
လုံး၀ လုံး၀ မရောင်းချပါ) 😊
👌👌ကြိုက်နှစ်သက်ရာဒီဇိုင်းပုံတော်နှင့် ဥာဏ်တော်ကိုစိတ်တိုင်းကျမှာယူနိုင်ခြင်း
🚗🚗၀ယ်ယူသူစိတ်တိုင်းကျမှ ပုံတော်များပို့ဆောင်ပေးခြင်း
♻️♻️Shwe Yote Hlwarမှ၀ယ်ယူထားသောပုံတော်များအား ကျိုးပဲ့အက်ကွဲခြင်းများအတွက်တစ်သက်တာ အခမဲ့
ပြန်လည်ပြုပြင်ပေးခြင်း🔨⛏🛠
👍👍ကိုယ်ပိုင်ပန်းပုရုံကထွက်ရှိသည့် ပုံတော်များ ဖြစ်သည့်အပြင် စျေးနှုန်း ချိုသာပြီး၀ယ်ယူသူစိတ်တိုင်းကျ
ဖြစ်စေဖို့ အဓိကထားရောင်းချပေးခြင်းဖြစ်သည့်အတွက်
Shwe Yote Hlwarမှ ယုံကြည်စိတ်ချစွာမှာယူနိုင်ပါတယ်ခဗျာ။🙏🙏🙏
အသေးစိပ်သိလိုသည်များကို 📩Cb(သို့)
📲09892300044/09754254816/09753785085
သို့ဆက်သွယ်မေးမြန်းနိုင်ပါတယ်ခဗျာ။

02/05/2024

🔹အလုပ်ကိစ္စ တစ်ခုခုလုပ်ခါနီးမှာ
မြတ်စွာဘုရားကို အာရုံပြုလိုက်ရတော့၊

🔹တစ်ခါတည်း ဗုဒ္ဓါနုဿတိကမ္မဌာန်းနဲ့
သမာဓိ တော်တော်ကောင်းသွားတယ်။

🔹သမာဓိတော်တော်ကောင်းတော့ ဉာဏ်
က ထက်လာတယ်။

🔹အဲဒီတော့ လုပ်လိုက်တဲ့ အလုပ်ဟာ မ
မှား နိုင်ဘူး။

🔹ဘာပြုလို့လဲဆိုတော့ ဘုရားကို အာရုံပြု
နေတဲ့စိတ်နဲ့၊

🔹ဟိုဟိုဒီဒီ အာရုံတွေ ရောက်နေတဲ့ စိတ်
ဟာ အလွန်ကွာခြားတယ်။

🔹နည်းနည်းမှ မတူဘူး။ အဲဒီလို ဘုရား
အာရုံပြုလို့ သမာဓိ ရလာတဲ့အခါ...

🔹ဉာဏ်ကောင်းကောင်းကလေး ပေါ်လာ
တယ်။

🔹အဲဒီအခါမှာ အလုပ်ကိစ္စ မမှားနိုင်ဘူး။

☀️(မဟာဂန္ဓာရုံဆရာတော် အရှင်ဇနကာ
ဘိဝံသ) ဓမ္မစကြာတရားတော် မှ ။

🙏မဟာဂန္ဓာရုံဆရာတော်ဘုရား🙏

☀️ဓမ္မ,တရားဖြင့် ငြိမ်းအေး ကြပါစေ။☀️

Crd::::🙏🙏🙏🙏🙏🙏🙏🙏🙏🙏🙏🙏🙏

27/11/2023

တန်ဆောင်မုန်းလပြည့်နေ့အကြောင်း
သိကောင်းစရာ ~~
🌹 🌹 🌹 🌹 🌹 🌹 🌹 🌹

မြတ်စွာဘုရားရှင်က အဇာတသတ်မင်းအား တန်ဆောင်မုန်းလပြည့်နေ့တွင် သာမညဖလသုတ္တန်တရားကို ဟောကြားတော်မူသညကိုအကြောင်းပြု၍ တန်ဆောင်မုန်းလပြည့်နေ့၌သာမညဖလအခါတော်နေ့ အထိမ်းအမှတ် ကျင်းပရခြင်း ဖြစ်ပါသည်။
(၁) သာမညဖလဆိုသည်မှာ ~~ ရဟန်းပြုရခြင်း၏အကျိုးဟု အဓိပါယ်ရပါသည်
(၂) ရဟန်းပြုရခြင်း၏ အကျိုးကို ဟောကြားသောနေ့ဖြစ်၍ တန်ဆောင်မုန်းလပြည့်နေ့ကို သံဃာတော်များနေ့ဟု ခေါ်ဆိုကြပါသည် ။
(၃) သာမညဖလသုတ်သည် ဒီဃနိကာယ် သီလက္ခန္ဓဝဂ္ဂပါဠိတော်၌ ပါရှိပါသည်
(၄) သာမညဖလသုတ်သည် ရဟန်းသံဃာတော်များအဖို့ ကြေးမုံမှန်ချပ်ကြီးသဖွယ် ဖြစ်၍ ကိုယ်ကျင့်သီလ ရှိသည်၊ မရှိသည်ကို ဤသုတ်ဖြင့်ထင်ဟပ်စေနိုင်ပါသည်။
(၅) သာမညဖလသုတ်သည် လူဒါယကာများအဖို့ ပြဒါးချိန်ကြီးသဖွယ်ဖြစ်၍ မိမိတို့ကိုးကွယ်နေသော ဆရာသမားများ၏ ကျင့်ကြံမှု ဟုတ်မဟုတ်၊ မှန်မမှန်ကို ဤသုတ္တန်ဖြင့် ချိန်ကိုက်ကြည့်နိုင်ပါသည်။
(၆) အဇာတသတ်မင်းသားသည် ဒေဝဒတ်ကို ဆရာတင်မိ၍ အပေါင်းမှားပြီး ဖခင်ဖြစ်သူ ဗိမ္ဗိသာရမင်းကြီးကို သတ်မိသောကြောင့် ကံကြီးထိုက်ပြီး အိပ်မပျော်သောဝေဒနာ စွဲကပ်ခဲ့ပါသည်။
(၇) ယင်းဝေဒနာကိုကုစားရင်း အမတ်များ၏အကြံပြုချက်အရ တိတ္ထိဆရာကြီး ၆-ယောက်ထံသွားရောက်ပြီး ရဟန်းပြုခြင်း၏အကျိုး (သာမညဖလ)ကို စုံစမ်းမေးမြန်းရာ ကျေနပ်သောအဖြေကို မရရှိခဲ့ပါ။
(၈) နောက်ဆုံး သမားတော်ကြီးဇီဝက၏ အကြံပြုချက်အရ ရာဇဂြိဟ်မြို့အနီး ဆရာဇီဝကလှူထားသောသရက်ဥယျာဉ်တော၌ သီတင်းသုံးလျက်ရှိသော မြတ်စွာဘုရားထံသို့ သွားရောက်ပြီး လျှောက်ထားသောအခါမှ သူသိလိုသော ရဟန်းပြုခြင်း၏အကျိုး(သာမညဖလ)ကို သိရှိရပါတော့သည်။
(၉) အဇာတသတ်မင်းသည် သာမညဖလသုတ်တရားတော်ကို ကြားနာရသည့်အချိန်မှစ၍ ဗုဒ္ဓသာသနာတော်ကို သက်ဝင်ယုံကြည်လာပြီး ပုထုဇဉ်များထဲမှ ရတနာသုံးပါးကို အကြည်ညိုဆုံးပုဂ္ဂိုလ်တစ်ဦး ဖြစ်လာပါသည်။
(၁၀) အဇာတသတ်မင်းသည် သာမညဖလသုတ်တရားတော်ကို ကြားနာရ၍ သူ၏အပြစ်ကို ကုစားခဲ့သောကြောင့် အပြစ်ကြီးလေးသော မဟာအဝီစိငရဲတွင် မကျတော့ဘဲ၊ အပြစ်ဒဏ်ပေါ့သောလေဟ ကုမ္ဘီငရဲ၌သာ ကျရောက်ပြီး နောင်သောအခါ ဝိဇိတာဝီမည်သော ပစ်စေကာဗုဒ်ဓါဖြစ်၍ ကျွတ်တမ်းဝင်ရပါလိမ့်မည်။
(၁၁) အဇာတသတ်မင်းတရားသည်
- ပထမသင်္ဂါယနာတင် ဒါယကာအဖြစ်ခံယူခဲ့ခြင်း၊
- မြတ်စွာဘုရား၏ ဓာတ်တော်များကို စုဆောင်းသိမ်းဆည်း၍ ဓာတ်တော်တိုက်ကြီး တည်ထားခဲ့ခြင်း၊
- ဗုဒ္ဓသာသနာနှစ်ကို အတိအကျသတ်မှတ်ခဲ့ခြင်း၊ သာသနာပြုလုပ်ငန်းကြီးသုံးရပ်ကို လုပ်ဆောင်သွားခဲ့သည်မှာ ဗုဒ္ဓဘာသာဝင်များအတွက် ကျေးဇူးကြီးလှပါပေသည်။
(၁၂) ပိဋကတ်တော်များကို မပျက်စီးရအောင် သင်္ဂါယနာအဆက်ဆက်တင်၍ ယနေ့တိုင်အောင်ထိန်းသိမ်းထားနိုင်ခြင်းမှာ အဇာတသတ်မင်း၏ ကျေးဇူးဟု ဆိုထိုက်ပါပေသည်။
(၁၃) အဇာတသတ်မင်း စုဆောင်းထားသောဓာတ်တော်များကို ရှာဖွေ၍ သီရိဓမ္မာသောကမင်းကြီးက စေတီပေါင်း ရှစ်သောင်းလေးထောင်တည်ထား၍ သာသနာပြုခဲ့သောကြောင့် နှောင်းခေတ်ဗုဒ္ဓဘာသာဝင်တို့ ဖူးမြော်ခွင့် ရရှိနေကြခြင်း ဖြစ်ပါသည်။
(၁၄) ဗုဒ္ဓဘာသာဝင်တို့ သာသနာနှစ်ကို အတိအကျ သုံးစွဲခွင့်ရရှိနေသည်မှာ အဇာတသတ်မင်း၏ကျေးဇူး၊သာမညဖလသုတ်၏ အကျိုးဆက်ဟု ဆိုထိုက်ပါသည်။

မူရင်းရေးသားသူကို credit ပေးပါသည်။

ပြန်လည်မျှဝေသူ Htar 🌻

#တန်ဆောင်မုန်းလပြည့်နေ့

11/11/2023

🙏🙏🙏

10/11/2023

စိတ်ကိုပြင်လေ အထက်တန်းရောက်လေ...

စိတ်ကိုပြင်လေ အသိဉာဏ်တွေကြွယ်ဝလာလေ...

စိတ်ကိုပြင်လေ မိမိဘဝ တန်ဖိုးရှိလာလေ...

စိတ်ကိုပြင်လေ စိုးရိမ်မှုတွေနည်းလာလေ...

စိတ်ကိုပြင်လေ စဉ်းစားတတ်လေလေ...

ဆင်ခြင်တတ်လေလေ၊သိမ်မွေ့လာလေလေ...

ဒီလိုဖြစ်လာတာ...

ဒါကြောင့်မို့ စိတ်ကိုလွှတ်မထားပဲ ပြုပြင်ကြပါ

ကျေးဇူးတော်ရှင် ပါမောက္ခချုပ်ဆရာတော် ဒေါက်တာ နန္ဒမာလာဘိဝံသ

#ပါချုပ်ဆရာတော်
ရွှေရုပ်လွှာ

24/10/2023

ရတနာသုံးပါးနဲ့ပတ်သက်လာရင်
#နမောတဿ တစ်လုံးထဲလည်းစွမ်းတာပဲ၊
#ဗုဒ္ဓံသရဏံဂစ္ဆာမိ တစ်လုံးထဲလည်းစွမ်းတာပဲ၊
#အရဟံ တစ်လုံးထဲလည်းစွမ်းတာပဲ၊
ကိုယ်ကယုံဖို့နဲ့မှန်ကန်တဲ့အသိရှိဖို့လိုပါတယ်၊

ရတနာကတော့ ရတနာလို ဆည်းကပ်သူအတွက်
ရတနာစွမ်းအားကို ပေးမှာချည်းပါပဲ၊ဘယ်ရတနာကမှ လိမ်လည်လှည့်ဖြား ညာထား
တာ တစ်ခုမှ မရှိပါဘူး။

(တိပိဋကယောဆရာတော်ကြီး)

24/10/2023

"အရှင်မောဂ္ဂလ္လာန်နှင့် အရှက်ကြီးသော နတ်သမီးများ"
---------------------------------------
#အခါတပါးမှာ အရှင်မဟာမောဂ္ဂလ္လာန် မထေရ်မြတ်က နတ်ပြည်ခရီးကို လှည့်လည် ကြည့်ရှုတော်မူတဲ့အခါ တန်ခိုးကြီးမားတဲ့ နတ်သမီးတစ်ပါးရဲ့ ဗိမာန်တံခါးဝမှာ ရပ်တော်မူလိုက်ပါတယ်။ ဗိမာန်ရှင် နတ်သမီးက ထွက်လာပြီး မထေရ်မြတ်ကို ရိုရိုသေသေ ရှိခိုးပါတယ်။

"နတ်သမီး... သင့်ရဲ့စည်းစိမ်က ကြီးကျယ် ခမ်းနား လှပါတယ်။ ဘယ်လိုကုသိုလ် ကောင်းမှုကံကို ပြုလို့ ဒီစည်းစိမ်ကို ရခဲ့တာပါလဲ"လို့ မိမိကို လာရောက်ရှိခိုးတဲ့ ဗိမာန်ရှင် နတ်သမီးကို မေးတော်မူပါတယ်။

ဗိမာန်ရှင်နတ်သမီးက ကိုယ်ပြုခဲ့တဲ့ ကောင်းမှုက မဖြစ်စလောက် နည်းပါးလွန်းတော့ ရှက်ပါသတဲ့။ ဒါကြောင့် မထေရ်မြတ်ရဲ့ မေးခွန်းကို "ဒီကြောင်းကို တပည့်တော်ကို မမေးပါနဲ့ဘုရား"လို့ ပြန်လည် ဖြေကြားလိုက်ပါတယ်။

သို့သော်လည်း မထေရ်မြတ်က "ပြောသာ ပြောပါ နတ်သမီး ရှက်မနေပါနဲ့"လို့ ပြောပြဖို့ ဆက်လက် တိုက်တွန်းတော်မူတော့ ဗိမာန်ရှင် နတ်သမီးလေးက ခပ်ရှက်ရှက်နဲ့ပဲ လျှောက်ထား ရပါတော့တယ်။

"အရှင်ဘုရား တပည့်တော်မဟာ ဒါနကောင်းမှုကို မပြုခဲ့ပါဘူး၊ ရတနာသုံးပါး မိဘဆရာသမားတို့ကို ပူဇော်မှုလည်း မပြုခဲ့ပါဘူး၊ တရားတော်ကိုလည်း မနာဖူးပါဘူး၊ တပည့်တော် ဒီစည်းစိမ်ကြီးရတာ မှန်ကန်သောစကားကို အခါခပ်သိမ်းပြောဆိုခဲ့ပါတယ် ဘုရား..."လို့ လျှောက်ထားခဲ့ပါတယ်။

မထေရ်မြတ်ဟာ ဒီအကြောင်းကို မှတ်သားပြီး ရှေ့ဆက် ကြွတော်မူပါတယ်။ တခြားဗိမာန်ရှိ နတ်သမီးတွေကိုလည်း မေးတော်မူခဲ့ပါသေးတယ်။ သူတို့ ကောင်းမှုကို ရှက်လို့ လျှို့ဝှက်ထားချင်ကြပေမယ့် မထေရ်မြတ်ရဲ့စကားကို မလွန်ဆန်ဝံ့ကြတာမို့ ပြန်လည် လျှောက်ကြားခဲ့ပါတယ်။

"အရှင်ဘုရား တပည့်တော်မဟာ ဒါန သီလစတဲ့ ကောင်းမှုတွေပြုခြင်း မရှိခဲ့ပါဘုရား၊ တပည့်တော်မဟာ ကဿပဘုရားရှင်လက်ထက်မှာ သူတစ်ပါးရဲ့ ကျွန်မ ဖြစ်ခဲ့ပါတယ်ဘုရား။ တပည့်တော်မရဲ့ အိမ်ရှင်သခင်က အလွန်ကြမ်းတမ်း ခက်ထန်လှပါတယ်ဘုရား။ ဆွဲကိုင်မိရာ ထင်ချောင်း မီးစတွေနဲ့ ခေါင်းပေါက်သည်အထိ ရိုက်နက်တတ်ပါတယ်ဘုရား

"တပည့်တော် သူ့အပေါ် ဒေါသထွက်လာတိုင်း 'သူက မင့်ရဲ့သခင်ပဲ၊ မင်းကို လက်ခြေ နားနှာတွေပါ ဖြတ်ပစ်နိုင်လောက်အောင် မင်းကို အစိုးရတယ်၊ မင်း သူ့ကို စိတ်မဆိုးပါနဲ့"လို့ ကိုယ့်ကိုယ်ကို ဒီလိုဆုံးမရင်း ဒေါသကို ပယ်ဖျောက်ခဲ့ပါတယ်ဘုရား... ဒီလို ဒေါသကို ဖြေဖျောက်နိုင်ခဲ့လို့လည်း ဒီစည်းစိမ်ကို တပည့်တာ် ရရှိတာပါဘုရား..."

အကြောင်းအရာကို မှတ်သားရင်း တတိယ၊ စတုတ္ထ ဗိမာန်ပိုင်ရှင် နတ်သမီးတွေကို ဆက်လက် မေးမြန်းတော်မူပါတယ်။ ဖြေရမှာ ရှက်ကြပေမယ့် မထေရ်ကို လေးစားလို့ ဖြေပေးကြပါတယ်။

တတိယနတ်သမီးက... "အရှင်ဘုရား တပည့်တော်မကတော့ ကြံခင်းစောင့်ရင်း ရဟန်းတစ်ပါးကို ကြံတစ်ချောင်းလောက်သာ လှူခဲ့ဖူးတာပါဘုရား"

စတုတ္ထနတ်သမီးကတော့ "တပည့်တော်မကတော့ တည်သီးတစ်လုံးသာ လှူဒါန်းခဲ့တာပါဘုရား"

အခြားသော ဗိမာန်ပိုင်ရှင်နတ်သမီးများကို ဆက်လက် မးတော်မူမှာ...သခွါးသီးတစ်လုံးလှူခဲ့လို၊ ဖက်သက်သီး လှူခဲ့လို့၊ ကြာစွယ် လှူခဲ့လို့၊ တမာရွက်တစ်ဆုပ် လှူဒါန်းခဲ့လို့ စသဖြင့် မိမိပြုခဲ့တဲ့ အနည်းငယ်သော ဒါနကြောင့် ဒီစည်းစိမ်ကို ရရှိကြောင်း လျှောက်ထားကြပါတယ်။

အရှင်မဟာမောဂ္ဂလ္လာန် မထေရ်မြတ်ဟာ နတ်သမီးတွေ ရှက်ရှက်နဲ့ ပြောခဲ့တဲ့ အကြောင်းအရာတွေကို မှတ်သားခဲ့ပြီး လူ့ပြည်ပြန်ရောက်တော့ မြတ်စွာဘုရားကို ဒီလို လျှောက်ထားပါတယ်။

"အရှင်ဘုရား မှန်မှန်ကန်ကန်စကားပြောရုံ၊ ကိုယ့်ဒေါသ အမျက်ကို ဖြေဖျောက်နိုင်ရုံ၊ အလွန်နည်းတဲ့ တည်သီး ဖက်သက်သီး ကြံချောင်းစတာတွေကို လှူဒါန်းရုံမျှနဲ့ နတ်စည်းစိမ်ကို ရနိုင်ပါသလား အရှင်ဘုရား"

"မောဂ္ဂလ္လာန်.. ဘာကြောင့် ငါဘုရားကို မေးနေတာလဲ၊ ငါ့ရှင်ကို နတ်သမီးတွေက ဒီအကြောင်းကို ပြောခဲ့ပြီးပြီ မဟုတ်လား"

"မှန်ပါအရှင်ဘုရား... ဒီမျှလောက် ကောင်းမှု ကုသိုလ်ဖြင့် နတ်စည်းစိမ်ရနိုင်သည် ထင်ပါသည် အရှင်ဘုရား.."

လူအများစုက အလှူကို ကြီးကြီးကျယ်ကျယ်ပေးမှ ကျောင်းဆောက် ဘုရားတည်စတဲ့ ကောင်းမှုကို လုပ်မှသာလျှင် နတ်ပြည်ရောက်နိုင်တယ်လို့ ယူဆနေတတ်ကြပါတယ်။ အခုပြောခဲ့တဲ့ ဝတ္ထုမှာပါတဲ့ နတ်သမီးများမှာ ပြောပလောက်တဲ့ ကောင်းမှုကြီးတွေ မရှိကြပါဘူး...။ လူသားတိုင်း လိုက်နာနိုင်၊ ပေးကမ်းစွန့်ကြဲနိုင်တဲ့ အရာတွေလောက်သာ သူတို့ လုပ်ဖြစ်ခဲ့ပါတယ်။ ဒီလိုကုသိုလ်တွေကြောင့်လည်း နတ်စည်းစိမ်ကို ရနိုင်ပါတယ်။ ဒါကြောင့် မြတ်စွာဘုရားရှင်က "ချစ်သား မောဂ္ဂလ္လာန် အမှန်သစ္စာစကားပြောရုံ၊ အမျက်ဒေါသကို ပယ်စွန့်ရုံ၊ အနည်းငယ်ကို လှူဒါန်ရုံမျှနဲ့ နတ်လောကကို ရောက်နိုင်ပါတယ်..." လို့ မိန့်တော်မူခဲ့ပါတယ်။ အောက်ဂါထာကို ဆက်လက်မိန့်တော်မူပါတယ်...

သစ္စံ ဘဏေ န ကုဇ္စျေယ၊ ဒဇ္ဇာ အပ္ပမ္ပိ ယာစိတော၊
ဧတေဟိ တီဟိ ဌာနေဟိ၊ ဂစ္ဆေ ဒေဝါန သန္တိကေ။

အမှန်ကိုသာ ပြောဆိုရာ၏၊ ပြင်းစွာအမျက် မထွက်စေရာ၊ တောင်းခံလာက နည်းလှစေကာ ပေးစွန့်ရာ၏။ သုံးဖြာစုပေါင်း ဤအကြောင်းကြောင့် နတ်ပေါင်းစံရာ နတ်တို့ရွာသို့ သေချာကိုယ်တိုင် သွားရောက်နိုင်၏။

ဒီဒေသနာတော်ရဲ့ အဆုံးမှာ လူအများ သောတာပတ္တိဖိုလ် စသည်ကို ရောက်ရှိခဲ့ပါတယ်။ ကိုယ်ပြုတဲ့ ကောင်းမှုကို နည်းတယ်ဆိုပြီး အထင်မသေးမိဖို့ တင်ပြခြင်းပါ။

မှတ်ချက် ။ ။ ဓမ္မပဒအဋ္ဌကထာ ဒုတွဲ ၂၀၃၊ မဟာမောဂ္ဂလ္လာနတ္ထေရပဉှ ဝတ္ထု..မှ

Credit FB

24/10/2023