19/08/2026
# အနုပညာပြတင်း
# “ရေသယာ” ရုပ်မြင်သံကြားဇာတ်လမ်းတွဲ ကန်တော့ပွဲပေး
ရွှေနဒီရွှေရည်ရုပ်ရှင်ထုတ်လုပ်ရေးက ရိုက်ကူးထုတ်လုပ်မယ့် “ရေသယာ” မြန်မာရုပ်မြင်သံကြားဇာတ်လမ်းတွဲ ကန်တော်ပွဲပေး အခမ်းအနားကိုတော့ ရန်ကုန်မြို့က မဟာဝိဇယစေတီတော်မှာ ပြုလုပ်ခဲ့ပါတယ်။
“ရေသယာ” ရုပ်မြင်သံကြားဇာတ်လမ်းတွဲရဲ့ ဝတ္ထုဇာတ်လမ်းကို ရွှေပြည့် က ရေးသားရေးဖွဲ့ထားပြီး အေးကြည်သာဟန် နဲ့ ရွှေ ပြည့်တို့က ဇာတ်ညွှန်းရေးညွှန်းထားကာ ဒါရိုက်တာ ပြည့်ဖြိုးဟန် က ရွှေနဒီရွှေရည်ရုပ်ရှင်ထုတ်လုပ်ရေးအတွက် တာဝန်ယူ ရိုက်ကူးပုံဖော်သွားမှာ ဖြစ်ပါတယ်။
“ရေသယာဆိုတဲ့ ရွာလေးက ကျွန်တော်တို့က ဒီ မြန်မာပြည် အလယ်ပိုင်းပေါ့နော်။ မြင်းခြံမြို့၊ ဧရာဝတီမြစ်ကမ်းဘေးမှာ တကယ်ရှိတယ်။ အခုလည်း ရှိတယ်။ အဲ့ဒီနားမှာလည်း ကျွန်တော်က လွန်ခဲ့တဲ့ လေးနှစ်လောက်ကပေါ့နော်…ကျွန်တော် ဟို Canal+ အတွက် ဇာတ်ကားလေး သွားရိုက်တုန်းက သုံးလလောက် ကျွန်တော် နေခဲ့ဖူးတယ်ပေါ့နော်။ အဲ့မှာ ထူးဆန်းတာလေးတစ်ခုက ဘာတွေ့လဲဆိုတဲ့အခါကျတော့ အဲ့ဒီရွာရဲ့ နာမည်ကို နာမည်ဘုတ်မှာရေးထားတာက ‘ရွာသာယာ’ တဲ့။ ရွာသာယာဆိုပေမဲ့ အဲ့ ဒေသတစ်ခုလုံးနဲ့ အဲ့တစ်ရွာလုံးက သူတို့ကိုယ်သူတို့ ‘ရေသယာ’ လို့ပဲ ပြောကြတဲ့ အသုံးအနှုန်းကို သဘောကျလို့ ဒီဇာတ်လေးနဲ့ ရိုက်ဖြစ်တာပါ”လို့ ဒါရိုက်တာ ပြည့်ဖြိုးဟန်က ပြောပါတယ်။
“ရေသယာ” ရုပ်မြင်သံကြားဇာတ်လမ်းတွဲမှာတော့ သရုပ်ဆောင်တွေအဖြစ် အကယ်ဒမီ ဝေဠုကျော်၊ ဖြိုးငွေစိုး၊ ကျော်ဆု၊ ဘုန်း မင်းနေလ၊ နေသစ်အေးအောင်၊ ဝေဖြိုး၊ သက်ဦးကို၊ ဝေလာရီ၊ အေးသန္တာဗို ၊ ထက်ထက်လင်းလက်၊ အကယ်ဒမီ ခင်ဇာခြည် ကျော်၊ သုန္ဒြေဦး၊ အေးအေးအောင် နှင့် သရုပ်ဆောင်များစွာ ပါဝင်ကြမည် ဖြစ်ကြောင်းလည်း သိရသည်။
