23/11/2025
https://www.facebook.com/share/1FiKL3wvMm/
БАЙШИНГ ЯАГААД ДОТРООС НЬ ДУЛААЛЖ БОЛОХГҮЙ ВЭ ???
Маш олон хүн байшинг дотроос нь дулаалах талаар асуудаг. Зарим нь хүмүүсийн мэдлэг, мэдээлэл бага зэрэг дутуу байдлыг ашиглаж, дотроос нь дулаалах боломжтой мэтээр ойлгуулдаг. Мөн дотор дулаалгын хавтангуудыг ч санал болгож, зараад байгаа юм.
Дотроос нь дулаалах нь боломжтой мэт санагддаг ч Олон улсын барилгын норм, инженерүүдийн зөвлөмжөөр бол хамгийн эрсдэлтэй, ямар ч аргагүй үед хамгийн сүүлд сонгох арга гэж тооцогддог. Яагаад гэдгийг энгийнээр, ойлгомжтой тайлбарлая👇
❌ 1. Ханын дотор талд конденсац (чийг хуримтлагдах) үүсдэг
Дотор талаас дулаалвал:
-Ханын хүйтэн хэсэг гадна талдаа үлдэнэ
-Дулаалга (хөөсөнцөр, чулуун хөвөн) нь дулааныг дотогш хаана
Өрөөний дулаан, чийгтэй агаар хананд шингээд дулаалга ба ханын хооронд конденсац болж ус үүснэ
➡ Үр дагавар:
-Хана дотор мөөг, хөгц үүсдэг
-Дулаалгын материал чийг авж дулаан тусгаарлалт мууддаг
-Төмөр бетон, арматур зэврэх эрсдэлтэй
-Байшин барилга зэврэлттэй болтлоо мууддаг
❌ 2. Дулааны гүүр (cold bridge) амархан үүсдэг
Дотор талаас дулаалах үед:
-Ханын бүтцийн залгаа, тааз-хана, шалан дээр тасалдал үүснэ
-Энэ хэсэгт хүйтэн халуун агаар шууд мөргөлдөж цан, мөөгөнцөр гарна
-Барилгын бүх зангилааг төгс шийдэх маш хэцүү
❌ 3. Ханын дулааны инерци алдагдана
Гадаад дулаалга хийсэн байшин:
-Ханын бүх массан хэсэг дулаан хадгалдаг (дулааны инерци сайн)
Харин дотроос дулаалсан байшин:
-Ханын масс хүйтэн хэвээр үлддэг
-Байшин хурдан хөрч, хурдан халдаг, дулааны тогтвортой байдал маш муудна
-Өвөл хүйтэн, зуны халуунд хэт халдаг. Гадна талын дулаалга бол өвөл дулаахан байлгаад зогсохгүй зун сэрүүхэн байлгах давуу талыг үүсгэдэг.
❌ 4. Амьдрах талбай багасна
Дотроос дулаалбал:
Дулаалгын зузаан 5–15 см
Байшин дотор талбай бага болвол орон сууц илт жижигрэнэ
❌ 5. Инженерийн системүүдийн байршил хүндрэнэ
Гадна хананд тогтоох тавиур, гал тогоо, унтлагын тавилга суурилуулахад асуудалтай
Розетка, утас, сувагчлал бүгдийг дахин шийдэх шаардлагатай
✔ Тэгвэл ямар нөхцөлд Дотор талаас дулаалж болдог вэ?
Зөвхөн гарцаагүй тохиолдолд:
Гадна талаас дулаалах боломжгүй (түүхэн барилга, дүүргийн хориг, фасадны дүрэм гэх мэт)
Зөв технологиор:
Уур тусгаарлагчийг 100% битүү хийж
Агаар нэвтрэлтгүй байхаар
Зөв материал сонгож (чулуун хөвөн + уур хаалт)
Мэргэжлийн инженерийн тооцоотой хийх хэрэгтэй.
Гэхдээ энгийн хэрэглэгч өөрөө хийхэд бараг боломжгүй түвшний нарийн ажил.
🟩 Хамгийн зөв шийдэл: ГАДНААС дулаалах
Яагаад гэвэл:
-Хана дулаан хадгална
-Хананд чийг хуримтлагдахгүй
-Дулааны гүүр багасна
-Барилга хэтэрхий их халж хөрөхгүй
-Энергийн хэмнэлт хамгийн өндөр
