21/06/2026
АХИН НЭГ ЭРДМИЙН ЦОЛТОНГОО ТОСОЖ АВЛАА.👩🎓🤩
Манай клубын Sergeant Л.Гийпилмаа маань "Ахмад настаны харилцааны сэтгэл зүй" сэдвээр МУИС-ын сэтгэл зүйн Магистрийн зэргийг амжилттай хамгаалж дүүргэлээ.
Халуун баяр хүргэе чамдаа. 👏👏👏
үүсэх цагаас л эхлээд нэгдсэн анхны мемберүүдийн нэг билээ чи.🤟
Гиймаагийн маань төдийгөөс өдий хүртэл клубээ гэсэн чин сэтгэл, шинэхэн проспект гишүүдэд тавих шаардлага өндөр, хатуу зарчимч байдал, хэнийг ч тал засалгүй зарчмын асуудлуудыг зөв зүйтэй хөнддөг, өндөр ёс суртахуунтай хүмүүжил, шударга зан харилцаа зэрэг нь одоогийн "Sergeant" цолыг яалтачгүй дүүргэж яваа чансаатай офицерийн бардам бяр юмаа. 😎🏍✊️
Дээрээс нь хувийн зан байдлыг нь дүгнэвээс:
Ёстой яаж энэ бүгдийг амжуулж чаддаг байнаа гэмээр гайхалтай эрч хүчний ундарга шүү.
Эмэгтэй хүний хүрч болох бүхий л сайн сайхан хүсэл мөрөөдлийн эзэн билээ л...
Бүсгүй хүн болгон хуримын цагаан даашинзаар гоёхыг хүсдэг ч, тэр мөрөөдөлөө кино шиг биелүүлээд барахгүй, сүйт бүсгүй, хүргэн хоёр маань мотогоо хослон хөлөглөөд гайхалтай гоё хуримын цуваа жагсаадаг нь цөөхөөн. Үнэхээр сайн ч, сайхан ч залуутай хайр дурлалаараа холбогдон нижгэр сайхан хуримын ёслол хийж, оонын эвэр шиг ижилхэн нуган үрс төрүүлж, маш чамбай гэрийн эзэгтэй болсоон. Бүхий л зүйлийг төгс байлгадаг хичээнгүй занд чинь дуртай.
Хоёр ойрхон төрсөн нялх бие сэтгэл зүйтэй байхад хайрт аав нь хорт хавдар гэх аймшигт оноштой, тэнгэрт халих цаг хугацаа нь тодорхой цаг үеүдэд чи минь ёстой нулимсаа залгиад л, сэтгэлээ хатамжилаад бүх зүйлийг зохицуулах гээд л гүйж явсан сан...🥺
Ааваасаа хагацах нь тодорхой гашуун мэдээг сөрөөд хувийн томхон бизнесээ амжилттай удирдан залж, нөхөр хүүхдээ халамжилж, хажуугаар нь энэ том эрдмийн зэргийн судалгааны ажил дээр нойр хоолгүй зүтгэж, өөрийгөө ч өрөөлийг ч зүлгэж өнгөлж явах нь гагцхүү чамаас л гарах том сэтгэлийн тэнхээ юм. 💪💪💪
Харамсалтай нь аав нь бурхан зүгтээ одсон юм. Баргийн хүнд амьдралын гашуун үнэнд гүйцэгдэж энэ бүх зүйлийг нэгэн зэрэг амжуулах сэтгэлийн бяд дутдаг шүү дээ.
Гэвч чи минь өнчрөл хагацалд ч сөхөрч туйлдалгүй, шинэхэн ээжийн бие сэтгэл гормоны өөрчлөлтийг ч үл тоон, завгүй бизнесийн хажуугаар чинхүү хатан зүрхэндээ гал асааж энэ бүгдийн ард гарч чадлаа. Чамдаа дахин баяр хүргэе ээ. 🎊
ЧИ БОЛ БИДНИЙ БАХАРХАЛ юмаа.
Дотроосоо ч гаднаасаа ч гэрэлтэй ҮЗЭСГЭЛЭНТ ОД минь. ❤️🔥🌟❤️🔥⭐️❤️🔥
