24/09/2025
БЭЛЭГНИЙ МОРИНЫ ШҮДИЙГ БҮҮ ҮЗ.
(Харилцааны тухай үргэлжлэл)
Бид хамаатан садан найз нөхдийхээ бэлэглэсэн зүйлд сэтгэл шингэдэг гэдгийг мэддэг. Тиймээс өгөх тэр СЭТГЭЛээ уламжлалт ёс зүй болон ёр билгийн мэдлэгтэй холбож баривал жинхэн сайн сайхны билэгдэл болно.
Гэр бүлтэй хүмүүст болон хос залууст өгөх бэлгээ сайн бодож сонгох хэрэгтэй байдаг. Зандан модон эрхи, ганц ширхэг аяга таваг, савх, нуур голд сэлж буй ганц хун, эрэг дээр ганцаардан суух хэн нэгэн гээд л чамд таалагдсан зураг хөргийн өгүүлэмж санааг их анхаарах хэрэгтэй. Жишээлбэл зандан эрхийг яагаад лам нарт зүүлгэдэг байсан бэ гэхээр агар зандангийн үнэр эм хүсэх хүслийг дардаг. Мөн онгон зандан гэж юуг зүйрлэдэг билээдээ. Санаандгүй бэлэглэсэн эд зүйлс мууг дагуулах ёр билгийг агуулж болохгүй биздээ.
За тэгээд гоёл чимэглэл өөрөө ихийг агуулдаг. Алт яс гагнаж урт наслуулдаг учраас бид ээж аавдаа, мөнгөн эдлэл муу эрчмийг сарниулж хоргүйжүүлдэг.
Болор эдлэлийг тэргэл саранд нуурын давстай усаар угааж арчих гээд л нарийн учир шалтгаан их шүү дээ.
За тэгээд хастай зүйл сонгох болвол эрэгтэй хүнд эм хастайг, эмэгтэйд эр хастайг өгч байж эрчмийн зөв эргэлт үүсдэг.
Сүүлийн үед амьтан их бэлэглэдэг болсон!!!
Ёстой өгөх эзнээ сайн судлалгүй нэг амь өгчихдөг. Тэр нь ум болчихдог. Бас л асуудал. Нялх хүүхэдтэй айл хүүхдийн өрөөндөө загас тэжээдэггүй. Хэлд удаан орно гэдэг. Хүйтэн хошуутай мал болон түүний зургийг бас л нэгэндээ өгдөггүй. Хутга болон ирт мэс, цагийг бэлгэнд авсан бол эргүүлэн домнож мөнгө өгдөг юм. Энэ нь ирт сунадаг тул эзэндээ ивээл болог гэж хүний цаг хугацаагаар биш өөрийн цаг хугацааны эзэн байг ээ гэсэн утгыг агуулдаг.
Намрын налгар энэ өдрүүдэд хурим найр ихсэж БЭЛЭГ сонгож байгаа бол БЭЛГЭ дэмбэрэлд нь анхаараарай.
Цахил багш.
