Mill-kċina ta’ Pawlina

12/10/2026

Xiħadd bagħatli messaġġ, u staqsieni kif tista tagħmel platt spaghetti tal-fenek bla tadam u kunserva għax allerġiku għat-tadam.
Xorta tista tagħmel platt tajjeb ħafna u l-fenek jintiegħem veru tajjeb.

Spaghetti tal-fenek bla tadam

Għal 2 persuni

200 g spaghetti msajjar al dente
Biċċtejn fenek mid-dahar mqattgħin żgħar
Biċċa fwied u nterjuri, qalb u kliewi
4 sinniet tewm mqattgħin irqaq
Basla mqatta rqiqa ħafna
2 imgħaref żejt taż-żebbuġa
2 imgħaref butir
Ftit ħwawar nexfin
100 g piżelli tal-friża
Dada tal-laħam
100 ml inbid abjad
Bżar iswed kemm tixtieq
Ftit ilma kemm hemm bżonn

Qalli l-fenek u l-interjuri flimkien fiż-żejt u l-butir mat-tewm u l-basla
Żid id-dada, l-inbid, ħwawar, bżar u piżelli
Tektek mgħotti għal madwar siegħa
Żid ftit ilma jekk hemm bżonn tħallihx jixxotta
Saffi l-ispaghetti u żidu biex itektek ftit minuti f'din iz-zalza sakemm jinxtorob il-likwidu
Servi bil-ġobon tal-ħakk bħas-soltu

08/10/2026

Naf li mhux l-iżjed ħaġa tajba għas-saħħa, imma llum imlejt il-qargħabali twil bil-corned beef u zalza tat-tadam frisk.
Biex inpatti, servejt insalata u patata mgħollija u kompluta fil-airfryer magħhom.

Għal 3 persuni
3 zucchini kbar sew, maqsumin mit-tul u mgħollija 10 minuti
Landa corned beef kbira light
2 tadamiet mqatta
Ftit tewm u tursin
Mgħarfa żejt taż-żebbuġa
Ftit bżar

Ġo borma żid it-tadam, żejt, tursin, ftit bżar iswed u qalli sew
Żid ftit ilma u ħalliha ttektek madwar siegħa
Blendja biex tiġi zalza
Magħha żid il-corned beef u għaffeġ flimkien
Neħħi iż-żerriegħa mill-qargħabali msajjar ftit, u imlih sew
Il-patata mgħollija qattgħuwa kwadri, sprejjawha biż-żejt taż-żebbuġa u meta tkun ser tiggrillja l-qargħabali, żid fid-dixx għal kulur biex jitbasktu forn jew airfryer sakemm tixtieq
Servi ma insalata' friska
Yum yum!!!

05/10/2026

X'ser issajjru llum?
Din riċetta li tagħmlu malajr, bnina, u tajba mmens

Tiġieġ Turmeric u Fażola Twila

Għal 2 persuni

4 koxox tat-tiġieġ
Basla mqatta'
Ftit tewm imqatta'
2 imgħaref butir
Dada tat-tiġieġ imfarrka
250 ml inbid abjad
2 imgħaref dqiq tal-qamħirrun imdewwbin ma 100 ml ilma
2 imgħaref turmeric jew kari
Nofs kuċċarina ħwawar nexfin
100 g fażola twila tal-friża

Qalli t-tewm u l-basal fil-butir
Żid il-koxox, dada, inbid, ħwawar, turmeric
Ħallihom isiru madwar 30-40 minuta nar baxx
Żid l-ilma bid-dqiq tal-qamħirrun u l-fażola
Ħawwad u tektek 5 minuti oħra sakemm jgħaqad is-sos u ssir il-fażola
Servi sħun ma xi patata jew insalata

02/10/2026

How do you clean a baby squid?
Very easy...than cut it across and grill for 2 minutes on each side with some olive oil and garlic!!!

30/09/2026

Tarja bil-bajd u l-ġobon
Kemm tħobbuha min 1 sa 10?
Għalkemm platt sempliċi, huwa platt nutrittiv ħafna, mingħajr miżibilju ta kaloriji.
Jsir malajr, u addattat għal tfal li jiġu lura mill-iskola

Kull platt
60 g tarja msajjra al dente
2 bajdiet imħabbtin
Bżar u melħ
Mgħarfa butir
Ftit ħalib jew ilma
Ftit tursin niexef

Saffi it-tarja, żid il-butir , bżar u melħ
Żid il-bajd mat-tarja fuq nar baxx, ftit ħalib u tursin u sajjar kemm tixtieq li l-bajd jgħaqad
Servi sħun ma ftit ġobon maħkuk u bżar iswed
Yummy!!

25/09/2026

Xiħaga tajba għal tmiem il-ġimgħa.
Faċli u veru tiġi tajba, ippruvawha!!

Ċikkulatini bil-lewż

Tagħmel dixx ta' 30 cm bi 28 cm miksi bil-karta forno jew strazza
500 g ċikkulata skura jew tal-ħalib
300 g ġewż, lewż, ġellewż, u anakardi inkaljati sew
Ftit ġunġlien inkaljat għal wiċċ
2 imgħaref żejt veġetali
Mgħarfa għasel

Kisser ħafif il-lewż kollu
Dewweb iċ-ċikkulata fil-microwave, ħawwad kull 30 sekonda biex ma taqbadlekx
Kif iddub, żid iż-żejt u l-għasel
Itfa il-lewż kollu, ħawwad u iċċattja fid-dixx
Ferrex iż-żerriegħa tal-ġunġlien fil-wiċċ u itfa' fil-fridge mill-inqas 3 siegħat
Aqta forom u daqs li trid
Yummy!!!

23/09/2026

Bonġu ħbieb,

Illum qed nagħmel brodu tal-laħam u ftakart fi tfuliti meta l-mama' kienet tagħmel platt tal-pyrex li jiflaħ nar bi ftit ilma, fuq il-borma biex il-brodu ma jevaporax.
Dan l-ilma tal-platt kien jonqos u min ħin għall ieħor kienet iżżidu, għax borma brodu kienet iddum itektek bil-mod xi 3 siegħat.
L-ammont ta' brodu kienet tibqa l-istess, u kien jiġi ikkonsmat sew kif suppost ikun platt brodu tajjeb.
Kemm hawn min jiftakru dan il-proċess?
Min għandu ftit żmien daqsi kontu tagħmlu hekk fir-raħal tagħkom? U fejn? 🤗

22/09/2026

X'ser issajjru llum?

Farfalle pikkanti bit- tonn u nċova

Sempliċi bi ftit ingridjenti
Għal 4 persuni
500 g farfalle imsajjar al dente
Basla żgħira mqatta
2 sinniet tewm mqattgħin
Landa żgħira nċova nofsha mqatta ( in-nofs l-ieħor għal wiċċ)
Landa tonn taż-żejt kbira, mqattra
Tadama mqatta rqiqa ħafna
Bżaru aħmar imqatta rqiq ħafna
Ftit tursin
200 ml inbid abjad

Żid iż-żejt tal-inċova fit-taġen
Qalli l-ingridjenti kollha flimkien ħafif, żid l-inbid u tektek 3 minuti
Żid l-għaġin imsajjar u ħallat kollox flimkien
Servi bi ftit tursin, u biċċa nċova fil-wiċċ

18/09/2026

Bonġu
Naqra soppa tajba llum ħbieb tiegħi, x'ser issajjru intom?

Vegetable and Bacon Chowder

Scroll down for the recipe in English

Ċawder tal-ħaxix u Bejken

Xhini eżatt Ċawder?
Hija soppa magħquda li oriġinat fi Franza ’Cauldron’ u spiċċat msejjħa Chowder mis-sajjieda ngliżi. Tista tkun bil-ħut frisk, ħaxix u anke tat-tiġieġ
Iżidu ħalib magħha u jgħaqduha bil-qamħirrun, jien illum użajt biss dqiq tal-qamħirrun u għaqditli

4 persuni
Basla kbira mqatta’
Ftit tewm frisk mqatta’
Karfus mqatta’
150 g bejken mqatta
3 karrotti mqattgħin
3 qargħabaliet mqattgħin
50 g faqqiegħ mqatta’
50 g ful frisk jew tal-friża
Patata waħda mqaxxra u mqatta’
Mgħarfa dqiq tal-qamħirrun imdewweb ġo 200 ml ilma
Dada tal-laħam
Bżar u melħ
Litru w’nofs ilma
2 imgħaref butir
2 imgħaref żejt taż-żebbuġa

Ġo borma itfa il-butir u ż-żejt u aqli sew il-bejken, basla u tewm
Żid l-ilma u l-kumplament tal-ħaxix kollu
Żid id-dada, bżar u melħ u ħalliha sakemm isir il-ħaxix kemm tixtieq int,
Fl-aħħar żid it-tazza bid-dqiq tal-qamħirrun imdewweb u ħawwad sakemm din is-soppa tgħaqad
Servi sħuna bi ftit ġobon maħkuk

Bacon & Vegetable Chowder
Serves 4
1 large chopped onion
Spring garlic
Chopped celery
150 g chopped bacon
3 peeled and chopped carrots
3 peeled and chopped zucchini
50 g chopped mushrooms
50 g frozen or fresh broad beans
1 peeled and chopped potato
1 tablespoon corn flour dissolved in 200 ml water
1 beef stock cube
Salt and pepper
One and a half liters water
2 tablespoons butter
2 tablespoons olive oil

Pour the butter and oil into a pot and fry the onion, garlic and bacon well
Add the water and the remaining vegetables
Add the stock cube and seasoning
Cook until vegetables are tender
Add the corn flour dissolved in water and stir until soup has thickened
Serve hot with grated cheese