Hammer and Bricks.

06/01/2026

کسی کی اصلیت جاننے کے 15 آزمودہ طریقے

انسان ایک اداکار ہے اور دنیا ایک اسٹیج۔ ہر شخص نے ایک "مہذب" چہرے کا ماسک پہن رکھا ہے۔ اگر آپ کسی کی اصلیت، اس کے ڈی این اے کی سچائی، جاننا چاہتے ہیں، تو آپ کو اسے ایسے حالات میں ڈالنا ہوگا جہاں اس کا ماسک گرنے پر مجبور ہو جائے۔
1. انہیں تھوڑا سا اختیار (Power) دے کر دیکھیں۔
ابراہم لنکن نے کہا تھا، "اگر کسی کا کردار آزمانا ہو تو اسے طاقت دے دو۔" جو شخص اپنے سے کمزور (ماتحت، ڈرائیور، ویٹر) کے ساتھ بدتمیزی کرتا ہے، وہی اس کی اصلیت ہے۔ اگر وہ طاقت ملنے پر فرعون بن جاتا ہے، تو وہ ہمیشہ سے فرعون ہی تھا، بس اس کے پاس موقع نہیں تھا۔
2. پیسے کا معاملہ کریں (Money talks)۔
پیسہ انسان کا دوسرا خدا ہے۔ کسی کے ساتھ چھوٹا سا مالی لین دین کریں، یا اسے ادھار دیں۔ دیکھیں کہ وہ واپس کرتے وقت کیا رویہ اپناتا ہے۔ کیا وہ وعدہ پورا کرتا ہے؟ کیا وہ 100 روپے کے لیے بے ایمان ہو جاتا ہے؟ پیسہ کردار کا ایکسرے (X-Ray) ہوتا ہے۔
3. انہیں "نہیں" (No) کہہ کر دیکھیں۔
کسی کی اصلیت تب سامنے نہیں آتی جب آپ اس کی بات مان رہے ہوں، بلکہ تب آتی ہے جب آپ اسے انکار کرتے ہیں۔ ان کی کسی خواہش پر "نہیں" کہیں۔ کیا وہ آپ کی حد (Boundary) کا احترام کرتے ہیں یا غصہ ہو کر، جذباتی ڈرامہ کر کے یا دھمکی دے کر آپ کو منانے کی کوشش کرتے ہیں؟ ان کا ردعمل بتائے گا کہ وہ آپ کی عزت کرتے ہیں یا صرف آپ کے استعمال کی۔
4. اپنی کامیابی کی خبر سنائیں۔
جب آپ کامیاب ہوتے ہیں، تو دوست کے چہرے پر آنے والا پہلا تاثر (Micro-expression) نوٹ کریں۔ کیا وہاں چمک اور خوشی ہے، یا ایک لمحے کے لیے حسد اور ٹھنڈک؟ جو آپ کی جیت پر خوش نہیں ہو سکتا، وہ آپ کا دشمن ہے جو دوست کے بھیس میں چھپا ہوا ہے۔
5. دیکھیں کہ وہ دوسروں کے راز کیسے سنبھالتے ہیں۔
اگر وہ آپ کے سامنے کسی اور کی برائی کر رہے ہیں یا کسی کا راز کھول رہے ہیں، تو لکھ کر رکھ لیں کہ وہ کسی اور کے سامنے آپ کی برائی بھی کریں گے اور آپ کا راز بھی کھولیں گے۔ غیبت کرنے والا کبھی وفادار نہیں ہوتا۔
6. شدید غصے یا دباؤ کے وقت مشاہدہ کریں۔
خوشی میں ہر کوئی اچھا ہوتا ہے۔ انسان کی اصلیت تب نکلتی ہے جب وہ شدید دباؤ (Pressure) میں ہو یا غصے میں۔ کیا وہ گالی گلوچ پر اتر آتا ہے؟ کیا وہ آپ کے ماضی کے زخموں پر وار کرتا ہے؟ غصے میں انسان وہ سچ بولتا ہے جو وہ ہوش میں چھپاتا ہے۔
7. ان کے ساتھ سفر (Travel) کریں۔
سفر کا مطلب ہے "سفرنگ" (تکلیف)۔ جب فلائٹ لیٹ ہو، کھانا خراب ملے، یا راستہ بھٹک جائیں،تب دیکھیں کہ وہ کیسے ردعمل دیتے ہیں۔ کیا وہ حل ڈھونڈتے ہیں یا صرف شکایت کرتے ہیں اور دوسروں کا موڈ خراب کرتے ہیں؟ سفر انسان کا صبر نچوڑ لیتا ہے۔
8. ان کی "مظلومیت" کی کہانی سنیں۔
اگر ان کی زندگی کی ہر کہانی میں وہ "مظلوم" (Victim) ہیں اور باقی سب "ظالم"، تو ہوشیار ہو جائیں۔ جو شخص اپنی غلطی نہیں مانتا اور ہمیشہ خود کو بیچارہ ظاہر کرتا ہے، وہ ایک زہریلا ہیرا پھیری کرنے والا (Manipulator) ہے۔
9. انہیں انتظار کروائیں۔
کسی میٹنگ میں 10 منٹ لیٹ پہنچیں (کبھی کبھار)۔ دیکھیں کہ ان کا رویہ کیسا ہے۔ کیا وہ صبر سے کام لیتے ہیں یا آپ پر چڑھ دوڑتے ہیں؟ یہ آپ کو بتائے گا کہ ان کے اندر برداشت اور دوسرے کی مجبوری سمجھنے کی کتنی صلاحیت ہے۔
10. جب آپ ان کے کام کے نہ رہیں (Uselessness)۔
سب سے بڑا امتحان۔ جب آپ ان کو فائدہ دینا بند کر دیں، تو کیا وہ پھر بھی آپ سے رابطہ رکھتے ہیں؟ یا وہ غائب ہو جاتے ہیں؟ اصلیت تب کھلتی ہے جب تعلق "لین دین" سے پاک ہو۔
11. مذاق (Joke) میں چھپی سچائی۔
فرائیڈ نے کہا تھا کہ "کوئی مذاق، مذاق نہیں ہوتا"۔ لوگ اکثر مذاق کے پردے میں آپ کو طنز کرتے ہیں یا اپنی نفرت کا اظہار کرتے ہیں۔ اگر ان کا مذاق آپ کی تذلیل کر رہا ہے، تو وہ مذاق نہیں، ان کے دل کا سچ ہے۔
12. غلطی پر ان کا ردعمل دیکھیں۔
جب ان سے کوئی غلطی ہو جائے، تو کیا وہ صاف دل سے معافی مانگتے ہیں؟ یا وہ "اگر" اور "مگر" لگا کر، یا الٹا آپ پر الزام لگا کر (Gaslighting) بات گھما دیتے ہیں؟ ذمہ داری قبول نہ کرنا کمینہ پن کی نشانی ہے۔
13. تنازعات (Conflict) میں ان کا طریقہِ جنگ۔
جب آپ کی ان سے لڑائی ہو، تو کیا وہ مسئلہ حل کرنے کی کوشش کرتے ہیں یا وہ جنگ جیتنے کی کوشش کرتے ہیں؟ جو شخص لڑائی میں آپ کے کردار پر کیچڑ اچھالے، وہ کبھی مخلص نہیں ہو سکتا۔
14. ان کے دشمنوں کو دیکھیں۔
کسی شخص کو صرف اس کے دوستوں سے نہ پہچانیں، اس کے دشمنوں سے بھی پہچانیں۔ اگر تمام شریف اور ایماندار لوگ اس سے نفرت کرتے ہیں، تو اس کا مطلب ہے کہ اس شخص میں گڑبڑ ہے، چاہے وہ آپ کے ساتھ کتنا ہی میٹھا کیوں نہ ہو۔
15. اپنی چھٹی حس (Gut Feeling) پر بھروسہ کریں۔
ہمارا دماغ لاکھوں سالوں کے ارتقاء سے خطرہ بھانپنا سیکھ چکا ہے۔ اگر کوئی شخص بہت میٹھا ہے، سب کچھ ٹھیک ہے، لیکن آپ کے پیٹ میں عجیب سی بے چینی ہے کہ "کچھ گڑبڑ ہے" تو یقین کریں، واقعی کچھ گڑبڑ ہے۔ آپ کا لاشعور وہ سگنل پکڑ رہا ہے جو آپ کی آنکھیں نہیں دیکھ رہیں۔

15/07/2025

نکاح کے بعد بیوی کی وہ عادات جو رشتہ کھوکھلا کر دیتی ہیں.....!

نکاح صرف ایک معاہدہ نہیں، یہ دو جانوں، دو خاندانوں اور دو تاریخوں کے بیچ ایک رشتہ ہے۔ یہ محبت، اعتماد، تحفظ، ذمہ داری اور قربانی کا ایک پیکٹ ہوتا ہے جسے کھولتے ہی اگر احتیاط نہ کی جائے تو اس میں سے زہر بھی نکل سکتا ہے۔ اکثر لوگ سمجھتے ہیں کہ شادی کے بعد کام ختم ہوا، مگر حقیقت یہ ہے کہ اصل کام وہیں سے شروع ہوتا ہے۔ نکاح کے بعد ایک دوسرا جہان شروع ہوتا ہے, اور اس دنیا میں کچھ عادات ایسی ہیں جو اگر وقت پر ترک نہ کی جائیں، تو رشتہ خالی چھلکے کی مانند رہ جاتا ہے۔

آج ہم ان چالیس عادات پر بات کریں گے, بیس عورتوں کے، اور بیس مردوں کے, جن سے نکاح کے بعد دور رہنا نہ صرف بہتر ہے بلکہ ضروری ہے۔ اس میں اخلاقی غلطیاں بھی ہیں، نفسیاتی کجی بھی، اور معاشرتی رویے بھی۔ مقصد کسی کو شرمندہ کرنا نہیں، بلکہ آئینہ دکھانا ہے۔ تاکہ شاید کوئی رشتہ بچ جائے… کوئی خاندان محفوظ ہو جائے۔

عورتوں کی بیس مہلک عادات، رویے اور اعمال:

1.👈شوہر کو "کم تر" سمجھنا: جب بیوی ہر بات پر شوہر کو یہ جتانے لگے کہ وہ کم عقل ہے، کم کمانے والا ہے یا ناکام ہے، تو رشتہ عزت سے نہیں، زہر سے بھر جاتا ہے۔ شوہر کو نیچا دکھانا ایک زہریلا نشتر ہے جو ہر دن دل کو کاٹتا ہے۔

2.👈ماں باپ سے موازنہ: "میرے ابو ایسے کرتے تھے"، "میری ماں نے تو کبھی ایسا نہیں کہا", یہ جملے رشتے کے قاتل ہیں۔ شوہر کے سامنے اپنے باپ کو مثالی بنانا، گویا شوہر کو باپ کے مقابل لا کھڑا کرنا، رشتہ کمزور کرتا ہے۔

3.👈شوہر کی ماں سے نفرت: اکثر عورتیں ساس کو دشمن سمجھ کر آتی ہیں۔ حالانکہ ماں وہی ہے جس نے شوہر کو جنم دیا۔ ماں سے دشمنی دراصل بیٹے سے بھی فاصلہ ہے۔ اور ایک ماں کو حقیر جاننا گویا مرد کی جڑ پر کلہاڑی مارنا ہے۔

4.👈شوہر کی کمائی کا مذاق اُڑانا: جب بیوی کہے: "بس اتنے ہی پیسے لائے ہو؟"، تو یہ صرف طنز نہیں، یہ مرد کی انا کی تذلیل ہے۔ عورت چاہے جتنا کما لے، مرد کا کردار بنیادی طور پر کفیل کا ہی ہوتا ہے, اس کردار کی توقیر ضروری ہے۔

5.👈پرانی محبتوں کی یاد: بعض عورتیں لاشعوری طور پر یا دانستہ ماضی کے قصے دہراتی ہیں۔ "کالج میں فلاں مجھے پسند کرتا تھا", ایسی باتیں مرد کو کھا جاتی ہیں۔

6.👈جسمانی تعلق سے انکار بطور ہتھیار: نکاح کے بعد جسمانی تعلق ایک حق ہے، ایک جذباتی ضرورت۔ اسے سزا کے طور پر روکنا ظلم ہے۔ یہ صرف جسم کا نہیں، دل اور اعتماد کا مسئلہ بھی بن جاتا ہے۔

7.👈گھریلو کام سے نفرت: کھانا بنانا، گھر سمیٹنا, یہ غلامی نہیں، یہ رشتے کی ضرورت ہے۔ جو عورت ان امور کو تضحیک کا نشانہ بناتی ہے، وہ گھر کے بجائے ہوٹل کا کلچر لاتی ہے۔

8.👈ہر بات پر نخرہ یا روٹھ جانا: غیر ضروری ضد، روٹھنا اور بات چیت بند کرنا, یہ "کیوٹ" نہیں بلکہ "کرپٹ" رویہ ہے۔

9.👈غیر محرم مردوں سے بے تکلفی: سوشل میڈیا، کالز، یا پرانی دوستیاں, شادی کے بعد ان کی حدود طے کرنی ضروری ہیں۔ مرد صرف بے غیرت نہیں بنتا، بے اعتمادی سے رشتہ توڑ دیتا ہے۔

10.👈میکے کو حد سے زیادہ فوقیت دینا: ہر دوسرے دن میکے جانے کی ضد، شوہر کے خاندان کو کمتر سمجھنا، ایک بے توازن گھر کی بنیاد ہے۔

11.👈سوشل میڈیا پر نجی زندگی کی نمائش: شوہر کی تصویریں، جھگڑوں کے اسکرین شاٹس، رومینٹک پوسٹس, یہ محبت نہیں، مارکیٹنگ ہے۔

12.👈ہر بات پر جھوٹ بولنا: "میں بازار گئی تھی"، "امی بیمار ہیں", اگر یہ جھوٹ ہیں تو رشتہ سچ پر کیسے ٹکے گا؟

13.👈دوستوں کے مشورے پر شوہر کو تنگ کرنا: "میری فرینڈ کے شوہر نے تو نئی گاڑی لے دی"، "انہوں نے تو سالگرہ پر دبئی گھمایا", یہ تقابل شیطان کا راستہ ہے۔

14.👈شوہر کی حدود میں مداخلت: مرد کا موبائل چیک کرنا، دفتر کی ٹوہ لگانا، سپیس اور پرائیویسی نہ دینا, یہ بے اعتمادی کی بیماری ہے۔

15.👈بچوں کو شوہر کے خلاف کرنا: "تمھارے ابو ایسے ہیں"، "وہ تو بس اپنا سوچتے ہیں", یہ زہر ہے، جو نسلوں میں سرایت کر جاتا ہے۔

16.👈دینی احکامات کو اپنی سہولت کے مطابق توڑنا: "پردہ میرے لیے نہیں"، "نماز کا ٹائم نہیں ملتا", یہ صرف ذاتی غفلت نہیں، شوہر کے لیے آزمائش بھی ہے۔

17.👈شوہر کو جذباتی طور پر تنہا کرنا: جب مرد دل کی بات کرے تو مذاق اُڑانا، نظرانداز کرنا, یہ محبت نہیں، منافقت ہے۔

18.👈بےوقت مطالبات: مالی، جذباتی، یا جسمانی, ہر بات کا وقت ہوتا ہے۔ ضد سے مانگی گئی چیز زہر دیتی ہے۔

19.👈شوہر کے خاندان میں فتنہ پھیلانا: نند، جیٹھانی، دیور, سب کے خلاف محاذ کھول دینا، خاندان کے تانے بانے بکھیر دیتا ہے۔

20.👈نکاح کو بلیک میلنگ کا ذریعہ بنانا: "مجھے چھوڑ دو"، "میں گھر جا رہی ہوں", بار بار طلاق یا علیحدگی کی دھمکیاں رشتہ گٹر میں لے جاتی ہیں۔

مردوں کی ان عادات رویوں اور اعمال کے بارے میں پوسٹ پہلے سے پیج پر موجود ہے جن کی وجہ سے شوہر بیوی کے دل سے اتر جاتا ہے..,😊😊

08/07/2025

بچپن سے لے کر جوانی تک، ہر قدم پر بچوں کو یہ سکھایا جاتا ہے کہ فیصلہ وہی ہوتا ہے جو بڑے کریں۔

یہ پہن لو۔ یہ کھاؤ۔ یہ مضمون چُنو۔ یہ یونیورسٹی جاؤ۔ یہی فیلڈ بہتر ہے۔

اور پھر یہی بچہ جب زندگی کے کسی چوراہے پر کھڑا ہوتا ہے، تو فیصلہ کرنے سے ڈر جاتا ہے۔

کیونکہ اُسے کبھی سکھایا ہی نہیں گیا کہ خود کیسے سوچا جاتا ہے، خود سے choice کیسے کی جاتی ہے۔

پھر وہ approval کے پیچھے بھاگتا ہے۔
کوئی بزرگ ہاں کرے تو آگے بڑھے، کوئی رشتہ دار support کرے تو فیلڈ بدلے۔
نہیں تو wait کرتا رہتا ہے اور وقت اُس سے آگے نکل جاتا ہے۔

یہی وجہ ہے کہ پاکستان کے لاکھوں نوجوان “independent” ہوتے ہوئے بھی اپنی زندگی میں “dependent” ہوتے ہیں۔
نہ وہ خود اپنے فیصلے کرتے ہیں، نہ اپنی غلطیوں سے سیکھتے ہیں۔

📊 World Economic Forum کی 2023 کی رپورٹ کہتی ہے:

"آنے والے وقت میں فیصلہ سازی (decision-making) سب سے قیمتی سکل ہوگی۔"

لیکن پاکستان کے 63٪ نوجوان اپنی فیلڈ یا کریئر کا فیصلہ خود نہیں کرتے۔
اور اُن میں سے 41٪ بعد میں پچھتاوے کا شکار ہوتے ہیں۔

جب decision-making سکل ہی develop نہ ہو، تو leadership کہاں سے آئے گی؟
entrepreneurship کہاں سے جنم لے گی؟
نئی سوچ کیسے بنے گی؟

ترقی یافتہ ممالک جیسے فن لینڈ، سویڈن، جاپان وہاں بچوں کو ابتدائی عمر میں decisions لینے کی آزادی دی جاتی ہے:
کیا پہننا ہے، کون سا مضمون لینا ہے، کیا بننا ہے، کس سے دوستی کرنی ہے۔

یہ freedom اُنہیں ایک ایسا individual بناتی ہے جو خود پر بھروسہ کرتا ہے، اور یہی لوگ دنیا بدلتے ہیں۔

ایک Harvard Business Review کے مطابق:

"جو نوجوان 15 سے 18 سال کی عمر میں decision-making سیکھ لیتے ہیں، اُن کی adulthood میں کامیابی 30 فیصد زیادہ ہوتی ہے۔"

ہمارے ہاں؟
ہم بچپن سے بچوں کی آزادی کو control کرتے ہیں اور بعد میں شکوہ کرتے ہیں کہ بچے ذمہ دار نہیں۔

یاد رکھو:

جس بچے کو چھوٹی چھوٹی باتوں پر اختیار نہیں دیا جائے گا، وہ بڑے فیصلوں میں صرف دوسروں پر depend کرے گا۔
اور جو ہمیشہ دوسروں پر depend کرے گا، وہ کبھی زندگی کا مالک نہیں بنے گا۔

جب بچہ خود فیصلے کرے گا تو وہ بہادر بنے گا۔
اسے یہ confidence ملے گا کہ "ہاں، میں کر سکتا ہوں۔"
پھر وہ چھوٹے چھوٹے challenges سے ڈرنے کی بجائے ان کا سامنا کرنا سیکھے گا۔

جب بچہ خود فیصلہ کرے گا، تو اس کا exposure بڑھے گا۔
وہ خود مختلف opinions، results، اور دنیا کو سمجھنے لگے گا۔
غلط فیصلے بھی کرے گا، لیکن انہی سے اُس کے فیصلے mature ہوں گے۔

بچے کو اپنا مشیر بناؤ۔
اپنے فیصلوں میں اُسے شامل کرو۔
اُسے سمجھاؤ کہ کیوں یہ option چنا، دوسرے option کیوں نہیں۔
پھر وقت آنے پر اُسے بھی وہی situation دو اور اس کے فیصلے کی output اسے explain کرو۔

یہی real-time learning ہے یہی character-building ہے۔

بچے کو چھوٹے چھوٹے فیصلے کرنے دو:
کیا پہننا ہے، کہاں جانا ہے، کیا project لینا ہے، کیا topic لکھنا ہے۔

اور ہر بار "یہ نہ کر بیٹھو گے" والا خوف اُس کے ذہن میں نہ ڈالو۔
بچوں کو ہر وقت ڈرا کر، اُن کی شخصیت کو گھٹایا جاتا ہے۔
اُنہیں اعتماد نہیں ملتا وہ grown-up ہوتے ہیں، mature نہیں۔

اپنے بچوں کو فیصلہ کرنا سکھاؤ۔
چاہے وہ فیصلے چھوٹے ہوں، چاہے وہ غلط ہوں۔

بچوں سے decisions مت چھینو بلکہ اُنہیں فیصلہ ساز بناؤ...

29/05/2025

پھیپھڑوں کی صفائی نزلہ ، زکام ، کھانسی اور بلغم کی زیادتی کیلئے
ایسا نسخہ جو کہ پھیپھڑوں کےلیے بہت اچھا ہے۔ پھیپھڑوں میں جو آپ کے ریشہ بنتا ہے ۔ یہ وہ نسخہ ہے جو کہ آپ کے لنگس کے اندر جتنا ریشہ ہوتا ہے اس کو حاجت میں نکال دیتا ہے۔ اور نظام ہضم کے لیے بہت ہی اچھا ہے۔ ان لوگوں کے لیے جن کی ہر وقت سینے میں جکڑن رہتی ہے۔ ریشہ رہتا ہے ۔ اور وہ ختم نہ ہورہا ہے۔ تو اس کی وجہ سے اور بہت سے مسائل آرہے ہوں۔
ان کے پھیپھڑے بہت کمزورہوگئے ہوں۔ تو ان کے لیے بہت ہی اچھا نسخہ ہے۔ اس کے لیے سب سےپہلے آپ نے اجوائن سوگرام لینی ہے۔ سوگرام سونف لینی ہے۔ پودینہ سوگرام لیناہے۔ برگد بانسہ ہمارے ہاں کمال کی چیز ہے اس کے متعلق ہے کہ آپ کے لنگس بہت ہی کمزور ہوگئے ہوں۔ اور پھیپھڑے کام نہ کررہے ہوں۔ تو اس کے لیے یہ کمال کا نسخہ ہے۔ برگد بانسہ بڑا اہم کردار اداکرتا ہے.
ھوالشافی:
۔برگد بانسہ آ پ نے سوگرام لینا ہے۔ سناء مکھی ، کالی ہریراورگل سرخ ان ساری چیزوں کو ہم وزن لینا ہے۔ یہ تقریباً ہم وزن سوسوگرام لے کر اچھی طرح صاف ستھرا کرکے باریک پیس لینا ہے۔ یہ اتنا کمال کا نسخہ ہے کہ آپ کے لنگس کے اندر جو ریشہ ہے وہ ریشہ اگرختم نہ ہورہا ہوتو اس کے لیے کمال کا نسخہ ہے ۔ اس کی ترکیب استعمال یہ ہےکہ ان سب چیزوں کو آپ نے باریک پاؤڈر بنا لینا ہے۔
جب یہ پاؤڈر بن جائے تو اس کا آدھی چمچ پاؤڈر نیم گرم پانی کے ساتھ دن میں کم ازکم تین سے چار مرتبہ استعمال کریں۔ ویسے یہ نظام ہضم کے لیے بہت اچھا ہے۔ خاص طور پر جب آپ کا لنگس کمزو ر ہوگئے ہوں۔ اور آپ کے لنگس کے اندر بہت زیادہ ریشہ بنتا ہے۔ یہ اس کے لیے کمال کا نسخہ ہے۔ آپ کے پھیپھڑوں کے اندرجتنا بھی ریشہ ہوگا اس کو حاجت کے ذریعے سے باہر نکال دے گا۔
اس کے ساتھ ہی آپ کے نظام ہضم کو ٹھیک رکھے گا۔ ہاضمے کو ٹھیک رکھے گا۔ معدے کےلیے بہت اچھا ہے۔ ان لوگوں کےلیے جن کابلغمی مزاج ہوگیا ہو۔ ان کےلیے کمال کا نسخہ ہے۔ آپ کو جتنی بھی چیزیں بتائی گئی ہیں۔یہ ساری کی ساری مجرب چیزیں ہیں۔ آپ ا س نسخہ کو استعمال کریں۔ انشاءاللہ ! اللہ تعالیٰ آپ پر کرم فرمائے گا۔ آمین۔
شکریہ: الحسن شفاء خانہ

11/05/2025

مال_پورا

اجزاء:

میدہ ڈیڑھ کپ

سوجی 1/2 کپ

انڈے 2عدد

دودھ ڈیڑھ کپ

چینی ڈیڑھ کپ

زردے کا رنگ آدھاچائے کا چمچ

گھی تلنے کے لئے

ترکیب:

پہلے بڑے پیالے میں 2عدد انڈے پھینٹیں

اور ان میں آدھا چائے کا چمچ زردے کا رنگ شامل کردیں

اب آہستہ آ ہستہ ڈیڑھ کپ میدہ، آدھا پیالی سوجی اور ڈیڑھ کپ چینی ڈالتے جائیں۔

پھر تھوڑا تھوڑا کرکے اس میں اتنا دودھ ڈالیں کہ گاڑھا آمیزہ بن جائے اب اسے ڈھک کر آدھے گھنٹے کے لئے رکھ دیں۔
اس کے بعد ایک فرائنگ پین میں گھی ڈال کر درمیانی آنچ پر 2 سے 3 منٹ گرم کریں۔

شیلو فرائی کرنے سے پہلے آمیزے کو دوبارہ پھینٹ کر دیکھ لیں

کہ وہ پکوڑوں کے آمیزے سے پتلا ہو۔ورنہ تھوڑا سا دودھ مزید ڈال دیں۔

اس کے بعد آدھی پیا لی آمیزہ لے کر ہاتھ کو گھماتے ہوئے گرم گھی میں ڈالیں۔

جب وہ ایک طرف سے سک جائے تو اسے احتیاط سے پلٹ کر دوسری طرف سے گولڈن کرکے نکالیں

اور گرم گرم مال پورے ربڑی کے ساتھ سرو کریں

آپ بنا چینی کے آمیزہ بنا کر چینی کا شیرہ بنا کر اس میں

مال پورہ ڈپ کر کے بھی بنا سکتی ہیں۔

09/05/2025

لاہوری مٹن پائے بنانے کی مکمل ترکیب

اجزاء:

مٹن کے پائے: 4 عدد (صاف شدہ)

پیاز: 2 عدد درمیانی (باریک کٹی ہوئی)

لہسن کا پیسٹ: 1 کھانے کا چمچ

ادرک کا پیسٹ: 1 کھانے کا چمچ

دہی: 1 کپ

نمک: حسبِ ذائقہ

لال مرچ پاؤڈر: 1 چائے کا چمچ

ہلدی پاؤڈر: 1/2 چائے کا چمچ

دھنیا پاؤڈر: 1 چائے کا چمچ

گرم مصالحہ پاؤڈر: 1/2 چائے کا چمچ

ثابت گرم مصالحہ (دار چینی، لونگ، بڑی الائچی): 1 چائے کا چمچ

ہری مرچ: 2 عدد (چیری کٹی ہوئی)

تازہ دھنیا: حسبِ ضرورت (باریک کٹا ہوا)

ادرک: باریک لمبے قتلے (گارنش کے لیے)

گھی یا تیل: 1 کپ

ترکیب:

پائے اُبالنا:

پائے کو اچھی طرح دھو کر دیگچی میں ڈالیں۔

اس میں اتنا پانی ڈالیں کہ پائے ڈھک جائیں۔

لہسن، ادرک کا پیسٹ، نمک، اور تھوڑا سا ثابت گرم مصالحہ ڈال کر درمیانی آنچ پر 3 سے 4 گھنٹے تک اُبالیں تاکہ پائے اچھی طرح گل جائیں اور شوربہ تیار ہو جائے۔

مسالہ تیار کرنا:

ایک پتیلی میں گھی یا تیل گرم کریں، اس میں ثابت گرم مصالحہ ڈال کر ہلکا سا بھونیں۔

اب اس میں باریک کٹی پیاز ڈال کر سنہری ہونے تک بھونیں۔

اس کے بعد لہسن، ادرک کا پیسٹ شامل کر کے مزید 1 منٹ تک بھونیں۔

پھر اس میں لال مرچ، ہلدی، دھنیا پاؤڈر ڈال کر اچھی طرح بھونیں تاکہ مصالحہ تیل چھوڑ دے۔

اب دہی شامل کر کے مصالحے کو اچھی طرح پکائیں یہاں تک کہ گھی اُوپر آ جائے۔

پائے شامل کرنا:

اُبلے ہوئے پائے شوربے سمیت مصالحے میں ڈال دیں۔

اچھی طرح مکس کریں اور درمیانی آنچ پر مزید 30 سے 40 منٹ تک دم پر رکھیں تاکہ مصالحہ پاؤں میں اچھی طرح رَچ جائے۔

آخر میں:

گرم مصالحہ پاؤڈر اور ہری مرچ شامل کر کے چند منٹ پکائیں۔

تازہ کٹا ہوا ہرا دھنیا اور ادرک کے باریک لمبے قتلے ڈال کر گارنش کریں۔

پیش کرنے کا طریقہ:

لاہوری مٹن پائے کو گرم گرم تندوری نان یا کلچے کے ساتھ پیش کریں۔

چاہیں تو ساتھ میں لیموں کے قتلے اور اچار بھی رکھیں..۔

06/05/2025

💓کایا پلٹ نسخہ۔💓
شروع اللہ کے بابرکت نام سے جو میری اور آپکی سانسوں کا مالک ہے اللہ مجھے سچ بولنے اور حقیقت لکھنے کی توفیق عطا فرمائے اور میرے ہاتھ کو دست شفا بنا دے امین۔
سب پہلے اسکے فوائد سنیں۔
چہرے کو لال کرتا ہے میدے کے بہت سارے امراض پر کام کرتا ہے خاص تور پر سینے کی جلن ہاضمے کی کمزوری بھوک کا نہ لگنا غزہ کا نہ لگنا پٹھوں کے اندر دردیں خاص تور پر جن لوگوں کو سیکس برابلم ہے انکے واستے بہترین چیز ہے نظر کی کمزوری کو دور کرتا ہے جلد کا کمزور ہوکر لٹک جانا اور چہرے کی جھریاں اور اسکی پوری ایک فہرست ہے کیا لکھوں میں اس کے فوائد کے بارے میں لیکن یہ ایک کامیاب چیز ہے اور اتنی زبردست چیز ہے کے کیا کہنے اسکا استعمال ہر صورت میں کریں ہر بندہ چاہے بوڑھا ہو یہ جوان مرد ہو یہ عورت مسلہ ہو یہ نہ ہو یہ چیز کولسٹرول کو نارمل کرتی ہے دل کے والوں کو کھولتی ہے جس کا بلڈ پریشر کسی بھی دوا سے نارمل نہ ہوتا ہو اس کے استعمال سے نارمل ہوجائے گا الله پاک کے حکم سے جو شگر کے مریض ہے جن کے زخم خراب ہوجاتے ہیں انکے لیے بھی یہ بہت فائدے مند چیز ہے۔
موٹاپے کو ختم کرتا ہے اور جب ایک بندا ایک کلو تک استعمال کرے گا اسکی کایا ہی پلٹ کر رکھدے گا اسکی سننے اور سمجھنے والی قوت میں اضافہ کرے گا ایسے مریضوں کو میں نے دیا ہے جن کو بخار چھوڑتا ہی نہیں تھا انکے جوڑوں میں دردیں گھر کر کے بیٹھ گئی تھی اور ہر وقت میدے کا مسلہ رہتا تھا جن کو انکے لیے سونے پر سحاگہ صابت ہوا یہ نسخہ میں تو کہتا ہوں کے سال میں ایک بار اسے ضرور استعمال میں لائیں زندگی سنور جائے گی آپکی دوستو یہ ہیں بھی ایک چھوٹی سی چیز جسکو ہم معمولی سمجھتے ہیں لیکن استعمال کے بعد اسکے کمال دیکھیں گے۔
دوستو لہسن کے استعمال کے بارے میں متعدد ترکیبیں سنی ہونگی آج میں آپکو ایک بہترین اور بہت آسان ترکیب بتاتا ہوں استعمال کریں فوائد حاصل کریں۔
#ہوالشافی۔
لہسن ایک کلو۔
دیسی گھی آدھہ کلو۔
لہسن کو چھلکوں سے ساف کریں اور ایک ایک توری الگ کریں پھر دیسی گھی کڑھائی میں ڈال کر لہسن کو اس میں ڈالیں اور ھلکی آنچھ پر لہسن کو برائون کریں لہسن کو جلانا نہیں اگر جل گئی تو کوئی فائدہ نہیں دے گی جب ہلکا سا برائون کلر کی ہوجائے لہسن تو اسے گھی سے باہر نکال کر خشک ہونے کے لیے رکھیں چائوں میں جب خشک ہوجائے تو باریک سفوف بناکر ڈبی میں محفوظ کریں بس تیار ہے۔
۔
دن میں دو بار صبح اور شام کھانا کھانے کے آدھے گھنٹے بعد آدھی چمچی تازہ پانی سے لیں۔
انشاء الله ایک ماہ کے استعمال سے تمام امراض جسم سے جھڑ جائیں گے۔
*❣ﺧَﻴﺮُﺍﻟﻨَّﺎﺱِ ﻣَﻦ ﻳًﻨﻔَﻊُ ﺍﻟﻨَّﺎﺱ❣*

04/05/2025

بیسن کا حلوہ
مجھے یہ بیسن کا حلوہ بہت پسند ہے۔
اجزاء
1 کپ گھی / مکھن
1 کپ بیسن/چنے کا آٹا
1½ کپ دودھ
آدھا کپ چینی
½ چائے کا چمچ الائچی پاؤڈر
8-10 بادام موٹے کٹے ہوئے۔
8-10 کاجو تقریبا کٹے ہوئے ہیں۔

براہ کرم ایک ہی کپ/کٹوری سے تمام اجزاء کی پیمائش کریں۔
.
ترکیب و اقدامات

1) کڑھائی میں گھی گرم کریں اور پھر اس میں بیسن ڈالیں۔ درمیانی آنچ پر 7-8 منٹ تک بھونیں جب تک کہ یہ خوشبودار ہو جائے اور ایک اچھا سنہری بھورا رنگ نہ آجائے۔ تیز آگ پر مت بھونیں ورنہ جل جائے گی۔

2) اب ایک وقت میں آہستہ آہستہ تھوڑا سا دودھ ڈالیں اور مسلسل ہلاتے ہوئے اس وقت تک پکائیں جب تک کہ بیسن دودھ جذب نہ ہوجائے۔

3) چینی شامل کریں اور اسے مسلسل ہلاتے ہوئے اس وقت تک پکائیں جب تک کہ چینی مکمل طور پر تحلیل نہ ہوجائے۔

4) مزید الائچی پاؤڈر، کاجو اور بادام شامل کریں.

5) آخر میں ایک کھانے کا چمچ گھی ڈال کر اچھی طرح مکس کریں۔

6) گرم پیش کریں!

**حلوہ فریج میں رکھنے کے بعد اگر خشک ہو جائے تو آدھا کپ دودھ ڈال کر دو منٹ تک گرم کریں، یہ دوبارہ نرم اور کریمی ہو جائے گا۔

آپ اسے بھی چیک کریں بنائیں۔ اور لطف اٹھائیں ❤️🤗 ❤️

01/05/2025

سقراط نے ایک بار کہا تھا۔
"اگر کوئی گدھا مجھے لات مارتا ہے تو کیا میں اس پر مقدمہ کروں گا، شکایت کروں گا یا اسے واپس لات ماروں گا؟"

بات یہ نہیں کہ ہر مباحثہ جیتا جائے یا ہر دلیل میں کامیابی حاصل کی جائے، بلکہ یہ ہے کہ اپنی توانائی ان لوگوں پر صرف کی جائے جو اس کے مستحق ہوں۔
جہالت چیختی ہے، جبکہ عقل خاموش رہتی ہے۔ جب کسی کے پاس دینے کے لیے توہین اور شور شرابے کے سوا کچھ نہ ہو، تو سب سے طاقتور جواب خاموشی ہے۔

کسی ایسے شخص کی سطح پر مت گریں جو محض تنازعات کے لیے کوشاں ہو۔
سچی ذہانت کو خود کو ثابت کرنے کی ضرورت نہیں ہوتی، یہ اپنی روشنی سے خود بخود نمایاں ہو جاتی ہے۔...!

01/05/2025

قدرتی طریقے سے ٹائمنگ میں اضافہ کرنے کا طریقہ ۔ ۔ ۔ ۔100 فیصد آزمودہ
لازوال نسخہ جات اور کشتہ جات ڈھونڈنےکی بجائے صرف ایک مرتبہ یہ سادہ طریقہ آزما کردیکھیں ۔۔ ۔ ۔ لیجئے مردانہ طاقت مں اضافہ کی 100 فیصد گارنٹی کا نسخہ آپ کی خدمت میں حاضر ہے۔
صرف مردانہ طاقت میں اضافہ ہی تمام مسائل کا حل نہیں بلکہ اچھی صحت , ذہنی سکون اور دنیا و آخرت میں کامیابی کے تصور کے بغیر ہماری زندگی نا مکمل ہے۔ہر قسم کی کمزوریوں سے نجات اور پاک و صاف صحت مند زندگی گزارنے کی اس خواہش کی تکمیل ہو سکتی ہے ۔ ۔ ۔ ۔ اپنی زندگی کو خوشگوار بنانے کے لئے ۔ ۔ ۔ ۔ بس آپ تھوڑی سی ہمت دکھائیں۔ ۔اگر آپ واقعی ہی اپنی زندگی کو تبدیل کرنا چاہتے ہیں۔توصرف یہ پانچ چیزیں چھوڑ دیں اوران پانچ چیزوں کو اپنی زندگی کا حصہ بنا لیں۔ اس راستہ پر چلنے سے آپ مردانہ امراض کے علاوہ ، دیگر بہت سے مسائل سے بھی نجات حاصل کرلیں گے۔ انشاءاللہ
اگر ہو سکے تو آج سے ہی ان پر عمل کرنے کا ارادہ کر لیں
1۔ یہ ممکن ہی نہیں کہ کھجور، شہد، انجیر، زیتون اور دہی استعمال کرنے والا مردانہ کمزوری کا شکار ہو ،مہنگے نسخے تلاش کرنے کی بجائے ان غذاؤں کو اپنی زندگی کا حصہ بنا لیں اور پھر دیکھیں نظارے ۔ ۔ ۔ ۔ قدرتی طریقے سے ٹائمنگ میں اضافہ کرنے کا سب سے محفوظ طریقہ یہی ہے۔ ان پانچ چیزوں کو آپ اس طریقہ سے استعمال کر سکتے ہیں۔
صبح خالی پیٹ ناشتہ کرنے سے پہلے ایک گلاس نیم گرم پانی میں ایک یا دو چمچ شہد ڈال کر پی لیں۔ کچھ دیر بعد دہی کے ساتھ روٹی کھا لیں(پراٹھا نہ کھائیں) ۔ اگر دہی کے ساتھ روٹی نہیں کھانی تو خشک ایرانی کھجور کے سات تا دس دانے اور ایک گلاس دودھ کا ناشتہ کر لیں ( کھجور اور دودھ کا استعمال وزن میں اضافہ بھی کرے گا اس لئے روزانہ آدھ گھنٹہ چہل قدمی ضرور کریں)۔روٹی کے لئے فائن آٹے کی بجائےچکی کاآٹا استعمال کرنے کی عادت اپنائیں ۔صبح چائے پینے کو دل کرے تو پی سکتے ہیں۔
2۔ دوپہر کا کھانا چھوڑ دیں اس کی بجائے امرود، کیلا یا اپنا کوئی بھی پسندیدہ پھل کھا لیں یا سلاد مثلا گاجر، مولی، پیاز،کھیرا وغیرہ کھا لیں ، یہ بھی ہو سکتا ہے کہ ایک دن سلاد کھا لیں اور دوسرے دن پھل کھا لیں۔پھل کھائیں یا سلاد لیکن روزانہ دوپہر کے وقت ایک گرام ادرک کا ٹکڑا اور تین دانے انجیر کے ضرور استعمال کریں۔جب سلاد کھانے لگیں تو اس میں کلونجی کے سات دانے شامل کر لیں۔سلاد اور پھل کا استعمال آپ کو معدے کی گرمی سے بچائے گا۔ ادرک اور انجیر آپ کے معدے کے تمام مسائل حل کر دیں گے اور قبض نہیں ہونے دیں گے اور جس کا معدہ ٹھیک ہو اور قبض کا مسئلہ نہ ہو وہ مردانہ کمزوری کا شکار ہو ہی نہیں سکتا۔
3۔ رات کا کھانا ضرور کھائیں اور کھاناسونے سے دو گھنٹے پہلے یا کم از کم ایک گھنٹہ پہلے کھائیں، سونے سے پہلے ایک یا دو چمچ زیتون کا تیل پی لیں۔ غیر شادی شدہ افراد کے لئے صرف زیتون کا ایک چمچ ہی کافی ہے۔زیتون کے تیل کے ہزاروں فائدے ہیں اس پر بدی میں تفصیل سے بات ہوگی۔
4۔ مردانہ طاقت میں اضافہ کے لئے روزانہ آدھ گھنٹہ چہل قدمی یا ہلکی ورزش بہت ضروری ہے اور اگر آپ پانچ وقت نماز کا اہتمام کر لیں تو اس سے آپ کی ورزش کی کمی بھی پوری ہو سکتی ہے۔
5۔ نا مانوس اور نئے خیالات پر عمل کرنا ہمیں بہت مشکل لگتا ہے۔ آج اس سوچ کو بھی بدلیں اور یوگا کے بارے میں سنجیدگی سے معلومات حاصل کریں اور یوگا کے وہ "آسن" جو مردانہ قوت میں اضافہ کرتے ہیں ان کو کرنے میں شرم محسوس نہ کریں۔ لوگ کیا کہیں گے اس چکر سے باہر نکل آئیں۔ یوگا کے بارے میں معلومات اور ویڈیوز آپ کو گوگل اور یوٹیوب سے مل جائیں گی۔
کیا آپ ان پانچ چیزوں کو چھوڑ سکتے ہیں
1۔ ٹھنڈا پانی یا کولڈڈرنک پینا چھوڑ دیں ۔ کھانے کے ساتھ یا پیاس کی صورت میں ہمیشہ نیم گرم پانی پیئں۔
2۔ فاسٹ فوڈ، نان اور بازاری تنور کی روٹی ، بیکری میں تیار ہونے والی اشیاء اور تلی ہوئی چیزیں کھانا چھوڑ دیں ۔
3۔ کچی یا جلی ہوئی روٹی نہ کھائیں، گھر میں کھانا جیسا بھی پکا ہو صبر شکر کر کے اورچپ کر کے کھا لیں ، تماشا لگانا چھوڑ دیں۔
4۔اولاد، بیوی، رشتہ دار، دوستوں ، اہل محلہ اور انسانوں کی غلطیوں پر ان کے ساتھ جھگڑا یا بحث کرنا چھوڑ دیں۔ معاف کرنا شروع کردیں۔
5۔ اپنے فرائض اور معاملات میں گڑبڑ کرنا اور جھوٹ بولنا چھوڑ دیں، سچ کا دامن تھام لیں ۔
ہو سکتا ہے کہ آپ کے ذہن میں آئے کہ ان پانچ چیزوں کو چھوڑنے کا" بھاشن "دینے کی کیا ضرورت تھی اور ان کا مردانہ قوت کے ساتھ کیا تعلق بنتا ہے تو محترم عرض یہ ہے کہ غصہ، جھوٹ ، ذہنی پریشانی اور اپنے فرائض کی ادائیگی میں کوتاہی کے صرف نفسیاتی اور معاشرتی ہی نہیں جسمانی صحت پر بھی منفی اثرات مرتب ہوتے ہیں۔ میری ان باتوں کی سمجھ آج نہیں تو کل آ جائے گی۔ آپ ایک با ر ان کو چھوڑنے کی کوشش کر کے دیکھیں ۔ انشاءاللہ آپ کو ہر حوالے سے فائدہ ہی ہوگا۔
نوٹ: شوگر اور ہائی بلڈ پریشر کے مریض ان غذاؤں کو استعمال کرنے سے پہلے اپنے معالج سے مشورہ کرلیں۔

30/04/2025

30/04/2025

نیم کے پتے صدیوں سے طبِ یونانی، آیوروید اور دیسی حکمت میں استعمال ہوتے آرہے ہیں۔ ان کے کئی طبی اور جمالیاتی فوائد ہیں۔ میں چند اہم فوائد یہاں بتا رہا ہوں:

نیم کے پتوں کے فائدے:

1. جلد کی بیماریوں کے لیے مفید:
نیم کے پتوں کا لیپ یا پانی دانے، ایکنی، داد، خارش اور جلدی الرجی میں بہت مؤثر ہوتا ہے۔

2. خون صاف کرنے والا:
نیم کے پتوں کا قہوہ یا رس پینے سے خون کی صفائی ہوتی ہے، جس سے جلد صاف اور شفاف رہتی ہے۔

3. مدافعتی نظام مضبوط کرتا ہے:
نیم میں اینٹی بیکٹیریل، اینٹی وائرل اور اینٹی فنگل خصوصیات ہوتی ہیں جو جسمانی دفاعی نظام کو مضبوط بناتی ہیں۔

4. شوگر کنٹرول کرنے میں مددگار:
نیم کے پتوں کا رس یا قہوہ شوگر لیول کنٹرول میں مدد دیتا ہے (ڈاکٹر کے مشورے سے استعمال کریں)۔

5. بالوں کی حفاظت:
نیم کے پتوں کا پانی بالوں میں خشکی، سکری اور جوؤں کے خاتمے میں مؤثر ہے۔

6. زخموں کو بھرنے والا:
نیم کا لیپ یا پتوں کا پانی زخموں اور جلنے کی جگہ پر لگانے سے جراثیم مر جاتے ہیں اور زخم جلد بھر جاتا ہے۔

7. دانتوں اور مسوڑھوں کی صحت:
نیم کی مسواک دانتوں کو صاف اور مسوڑھوں کو مظبوط بناتی ہے، اور منہ کی بدبو کا خاتمہ کرتی ہے۔

8. پیٹ کی صفائی:
نیم کے پتوں کا قہوہ یا سفوف معدے کی تیزابیت، کیڑے اور بدہضمی میں فائدہ..