Daily Verse

Daily Verse ہم نہ ہوں گے کوئی ہم سا ہوگا

10/08/2026

جس پھول کو دیکھوں یہی لگتا ہے کہ اس میں
اک رنج بھی رہتا ہے مسرت کے علاوہ

جی چاہتا ہے پھر سے ملیں اور دلوں میں
کچھ اور تعلق ہو ، محبت کے علاوہ

خورشید رضوری



#شاعری

🖤🖤🖤

08/08/2026

بھروسہ ریت کی دیوار نکلا
میرا دشمن میرا ہی یار نکلا
فیاض بوستان .


🖤🖤🖤🖤🖤🖤🖤🖤🖤🖤

07/08/2026

تمام رات نہایا تھا شہر بارش میں
وہ رنگ اُتر ہی گئے جو اُترنے والے تھے

وہ لوگ میرے بہت پیار کرنے والے تھے
گزر گئے ہیں جو موسم گزرنے والے تھے

یہ کس مقام پہ سُوجھی تجھے بچھڑنے کی
کہ اب جا کے کہیں دن سنورنے والے تھے

جمال احسانیؔ

.



🖤🖤🖤

16/07/2026

پیش جو آیا سر ساحل شب بتلایا
موج غم کو بھی مگر موج طرب بتلایا

ہے بتانے کی کوئی چیز بھلا نام و نسب
ہم نے پوچھا نہ کبھی نام و نسب بتلایا

رنگ محفل کا عجب ہو گیا جس دم اس نے
خامشی کو بھی مری حسن طلب بتلایا

دل کو دنیا سے سروکار کبھی تھا ہی نہیں
آنکھ نے بھی مگر اس رخ کو عجب بتلایا

یہ اداسی کا سبب پوچھنے والے اجملؔ
کیا کریں گے جو اداسی کا سبب بتلایا

اجمل سراجؔ



🖤🖤🖤🖤🖤

05/07/2026

نہ وہ سِن ہے فرصتِ عشق کا ، نہ وہ دِن ہیں کشفِ جمال کے
مگر اب بھی دِل کو جواں رکھیں ، وہی معجزے خدوخال کے

یہ جو گَرد بادِ حیات ہے ، کوئی اِس کی زَد سے بچا نہیں
مگر آج تک تیری یاد کو مَیں رکھوں سنبھال سنبھال کے

میں امین و قدر شناس تھا ، مجھے سانس سانس کا پاس تھا
یہ جبیں پہ ہیں جو لکھے ہوئے ، یہ حساب ہیں مہ و سال کے

میں کبھی شفق کا فَسوں کہوں ، کبھی گُل کہوں کبھی خوں کہوں
کہ ہیں میری صبحِ عروج میں ابھی رنگ شامِ زوال کے

مری حسرتوں کو ہرا رکھے، مری کشت جاں کو بھرا رکھے
یہ یقیں کہ مجھ پہ کُھلیں گے در کسی روز بادِ شمال کے

شبِ تار سے نہ ڈرا مجھے ، اے خُدا جمال دِکھا مجھے
کہ تیرے ثبوت ہیں جس قدر ، وہ ہیں صرف تیرے جلال کے

کوئی کوہکن ہو کہ قیس ہو ، کوئی مِیر ہو کہ ندیم ہو
سبھی نام ایک ہی شخص کے ، سبھی پھول ایک ہی ڈال کے

احمد ندیم قاسمی


03/07/2026

تجھ سے کوئی فلحال طلب ہے نہ تمنا
اس شہر میں جیسے تیرا ہونا ہی بہت ہے
ظفر اقبال



27/06/2026

امام والا اُسے ہم بھی کوئی کام کہیں
کوئی حُسین سا لاؤ تو ہم امام کہیں
ڈاکٹر فخر عباس
۔
۔
۔
۔
۔
۔
۔

🚩🚩🚩🚩🚩

26/06/2026

حسین تم نہیں رہے تمہارا گھر نہیں رہا
مگر تمہارے بعد ظالموں کا ڈر نہیں رہا

کوئی بھی ہو کسی طرف کا ہو کسی نصب کا ہو
جو تم سے منحرف ہوا وہ معتبر نہیں رہا

افتخار عارف


🚩🚩🚩🚩🚩

23/06/2026

غازی سا باوفا ہو اگر سب کا پیشوا
دعوے سے کہہ رہا ہوں کوئی بے وفا نہ ہو
راکب مختار



🚩🚩🚩🚩🚩

22/06/2026

ہم ہی تو ہیں کہ جو مرتے ہیں آپ کی خاطر
ہمیں ہی آپ نے خاطر میں لانا چھوڑ دیا
صدا حیدر


🖤🖤🖤🖤🖤

Address

Rawalpindi District
Rawalpindi
46000

Website

Alerts

Be the first to know and let us send you an email when Daily Verse posts news and promotions. Your email address will not be used for any other purpose, and you can unsubscribe at any time.

Shortcuts

Share

Category