A.Alsherbini

A.Alsherbini https://instagram.com/a.alsherbini__?utm_medium=copy_link

21/06/2026

فراخ فاهيتا سهلة وخفيفة ✨

المقادير :
- صدور فراخ مقطعة شرايح رفيعة
- بصل قطع او شرايح رفيعة
- طماطم شرايح
- فلفل الوان قطع
- التوابل ( ملح وفلفل اسود و بابريكا وسماق ومستردة بودر وبصل وتوم بودر )
- بطاطس Shoestring fries
- sweet corn بيبقى حلو اووي بس ماكنش عندي
- برغل (بسلقه فماية وعليه رشة ملح وفلفل )

الطريقة :
بقلب الفراخ فالتتبيله واضيف شوية زيت عشان التتبيله تمسك فالفراخ واسيبها شوية وبعدين على طاسة سخنة فيها زيت بشوف الفراخ كويس لحد ما تاخد لون بعد كدا بضيف البصل والفلفل والطماطم واسيب الفراخ تستوي شوية فنفس الوقت بقلي البطاطس فالاير فراير وبسلق البرغل بعد ما الاكل بيخلص بحطهم على بعض ممكن اضيف thousand island dressing انا بحبه او من غير خالص او اي dressing تحبوه ورشة درة حلوة ع الوش والف هنا 🫶🏼

#فاهيتا

19/06/2026

اكتر سؤال بيتكرر دايما إن في ناس بتبقى حابة تعمل وصفات بس من غير ميزان بمعاير الكوباية والمعلقة فقولت اعمل reference ترجعوله عشان اي وصفة اكتبها بالجرامات انا او غيري تكونوا عارفينها تنفع مع كوب معياري مقاس إيه

معايير الخميرة الطبيعية :
-الكوب = فحدود 255ج
-النصف كوب = 130 -133ج
-التلت كوب = 100ج
-الربع كوب = 70-72ج
-ملعقة كبيرة = 15ج
-ملعقة صغيرة = 6ج

دا الوزن تقريبيا مش هيحصل حاجة لو كام جرام قلوا او زادوا كالعادة زي ما دايما بقولكم بسطوها على نفسكم 🫶🏼
بفكر اعمل معايير الدقيق والماية إيه رأيكم ؟؟

19/06/2026

Espresso cocoa blueberry sourdough bread ✨
رغيف ساوردو بالكاكاو والاسبريسو والبلوبيري 🫐✨☕️

المقادير:
- 300 ج دقيق ابيض عالي البروتين
- 30 ج كاكاو باودر خام
- 90ج خميرة طبيعية
- 200 ج مياة
- 45ج اسبريسو
- 35ج سكر بني
- 6ج ملح
- 80ج بلوبيري او قطع شيكولاتة

الطريقة:
-الماية وعليها الخميرة واقلبهم واضيف الاسبريسو والدقيق والكاكاو والملح والسكر واعجنهم فبعض كويس
-بغطيها وبسيبها 45 دقيقة
-بكرر الشد والطي 4 ل 5 مرات بين كل مرة والتانية 30 دقيقة
-بسيبها تخمر التخمير النهائي حتى تتضاعف فحدود 80% من حجمها تقريبا (bulk fermentation )
-بعد التخمير الاولي بشكلها كويس واحطها فسلة التخمير المرشوشة بدقيق رز او نشا وسميد واحطها فالتلاجة ليلة كاملة
-تاني يوم بسخن الفرن على اعلى حرارة عندي 270 نص ساعة تقريبا
-بطلع الرغيف واعمله تشريح scoring وادخله الفرن مع الترطيب الماسب حسب طريقة الخبز
🔻لو صينية مكشوفةاو فخار بدون تغطية او حجر بيتزا بيكون معاها صينية فيها ماية اول 20 دقيقة
🔻لو فحله استانلس بتغطيه اول 30 دقيقة مع 5 قطع تلج ونشيل الغطا لمدة 15-20 دقيقة ونقلل الحرارة
-التسوية بتاخد 45 دقيقة ممكن اقل او اكتر حسب حرارة الفرن وطريقة الخبز
-بنسيب الرغيف يبرد تماما بعدين نقطعه عشان ما يعجنش

#ساوردو

18/06/2026

ساوردو بالحبة الكاملة فقط ✨🌾

المقادير :
• 550 جرام دقيق قمح كامل.
• 430 لـ 450 جرام مايه
• 110 جرام خميرة طبيعية (Starter)
• 11 جرام ملح

الطريقة:
-الماية وعليها الخميرة واقلبهم واضيف الدقيق لو حسيت ان الدقيق امتص الماية ومحتاج ماية اكتر بزود بس واحدة واحدة لان بيختلف من نوع دقيق للتاني
-بغطيها وبسيبها 45 دقيقة واضيف بعد كدا الملح واعمل شد وطي
-بكرر الشد والطي 4 ل 5 مرات بين كل مرة والتانية 30 دقيقة
-بسيبها تخمر التخمير النهائي حتى تتضاعف فحدود 80% من حجمها تقريبا (bulk fermentation )
-بعد التخمير الاولي بشكلها كويس واحطها فسلة التخمير المرشوشة بدقيق رز او نشا وسميد واحطها فالتلاجة ليلة كاملة
-تاني يوم بسخن الفرن على اعلى حرارة عندي 270 نص ساعة تقريبا
-بطلع الرغيف واعمله تشريح scoring وادخله الفرن مع الترطيب الماسب حسب طريقة الخبز
🔻لو صينية مكشوفةاو فخار بدون تغطية او حجر بيتزا بيكون معاها صينية فيها ماية اول 20 دقيقة
🔻لو فحله استانلس بتغطيه اول 30 دقيقة مع 5 قطع تلج ونشيل الغطا لمدة 15-20 دقيقة ونقلل الحرارة
-التسوية بتاخد 45 دقيقة ممكن اقل او اكتر حسب حرارة الفرن وطريقة الخبز
-بنسيب الرغيف يبرد تماما بعدين نقطعه عشان ما يعجنش

#ساوردو

17/06/2026

هادر الخميرة او مايسمى ب الديسكارد ‘discard’
اولا مابنتخلصش منه يعني نرميه
معناها اننا بنشيله من كمية الخميرة ونحطه على بعضه ونحفظه فالتلاجة بيتعمل بيه وصفات تانية او ممكن نشتغل عليه لو كان نشط زي كدا ويبقى خميرة طبيعية بردو
تاني حاجة

🔻الdiscard استخداماته كتير حلو وحادق ممكن نعمل بيه اي وصفات بدون خميرة زي الكريب والبانكيك وبيتزا الطاسة وعجة وكراكرز والقطايف وغيرهم.
🔻 او نضيفه لوصفات فيها خميرة ونعتبره جزء من الوصفة ونخصم كميته من الدقيق والماية فالوصفة يعني لو مثلا عندنا وصفة فيها 500 ج دقيق و 250 جرام ماية، ومعانا 100 ج هادر
هنعتبر الهادر نصه ماية ونصه دقيق 50|50 ونخصمهم من جرامات المقادير ف هتبقى الوصفة
450 ج دقيق
200 ج ماية
100 ج هادر discard

**لو الوصفة فيها خميرة عادي بنحسبها زي ما هيا ما بنقللش فيها بسبب الdiscard

**الdiscard او الهادر هو بواقي الخميرة الطبيعية الغير نشطة

#ساوردو ⁩

15/06/2026

لا اخفيكم سراً انا مابعرفش اعمل زلابية ابدااا حاولت كتيير دايما بتطلع كل حاجة واي حاجة الا الزلابيه مش فاهمه بينزلوها كور كدا فالزيت ازاي 🤔😂😂

المهم هيا كان طعمها حلو بس مش هقول recipe لانها زي ماانتو شايفين ماطلعتش زلابية اصلا ممكن نفكرلها فإسم تاني بقى واكسب براعة اختراع مابين الزلابية والمشبك
تفتكروا المشكلة كانت فين ؟؟🤔

#ساوردو

15/06/2026

⁨ ⁨ ⁨ ساوردو بالشيكولاتة الدارك والبندق ✨

المقادير:
- 450 جرام دقيق عالي البروتين
- 100 جرام دقيق قمح كامل
- 350 جرام ماية (70% ترطيب)
- 110 جرام خميرة طبيعية
- 10 جرام ملح
- شيكولاتة دارك وبندق مقطعين

الطريقة:
بنخلط الماية مع الخميرة كويس ونضيف الدقيق ونعجن بشويش ونسيبهم 40 دقيقة بعد كدا نضيف الملح ورشة ماية ونعمل اول شد وطي ونسيبهم 30 دقيقة ونكرر الشد والطي زي الفيديو 3 ل 4 مرات بين كل واحدة والتانية 30 دقيقة المجموع كله للطيات ساعتين ..
بنسيب العجينة تخمر وتتضاعف حسب حرارة الغرفة..
بعد كدا بنشكلها ونضيف عليها (الشيكولاتة والبندق) ونحطها فبسكت التخمير ونغطيها كويس ونحطها فالتلاجة ليلة.
تاني يوم هنسهن الفرن لمدة ٢٠ دقيقة ونحط فيها ايا كان الاداة اللي منخبز فيها انا خبزت ف حلة استانلس لما الفرن يسخن هنطلع الرغيف ونفتحه بموس او مشرط ونعمل الاشكال اللي نحبها حطه على سيليكون خبز او ورق زبدة جوا الحلة الاستانلس المسخنة ونضيف اربع تلجات ونقفل الحلة كويس جدا وندخلها الفرن اخد معايا
40 دقيقة تسوية شيلت الغطا لمدة 20 دقيقة لتحمير الوش.

🔻مابنقطعش الساوردو اول مايطلع بنسيبة يبرد تماما لإنه بيكون لسه
بيكمل عملية التسوية وممكن يعجن او يفرول وبالهنا 🫶🏼

#ساوردو ⁩⁩⁩⁩⁩⁩⁩

13/06/2026

⁨ ساوردو بالشيكولاتة الدارك والبندق ✨

المقادير:
- 450 جرام دقيق عالي البروتين
- 100 جرام دقيق قمح كامل
- 350 جرام ماية (70% ترطيب)
- 110 جرام خميرة طبيعية
- 10 جرام ملح
- شيكولاتة دارك وبندق مقطعين

الطريقة:
بنخلط الماية مع الخميرة كويس ونضيف الدقيق ونعجن بشويش ونسيبهم 40 دقيقة بعد كدا نضيف الملح ورشة ماية ونعمل اول شد وطي ونسيبهم 30 دقيقة ونكرر الشد والطي زي الفيديو 3 ل 4 مرات بين كل واحدة والتانية 30 دقيقة المجموع كله للطيات ساعتين ..
بنسيب العجينة تخمر وتتضاعف حسب حرارة الغرفة..
بعد كدا بنشكلها ونضيف عليها (الشيكولاتة والبندق) ونحطها فبسكت التخمير ونغطيها كويس ونحطها فالتلاجة ليلة.
تاني يوم هنسهن الفرن لمدة ٢٠ دقيقة ونحط فيها ايا كان الاداة اللي منخبز فيها انا خبزت ف حلة استانلس لما الفرن يسخن هنطلع الرغيف ونفتحه بموس او مشرط ونعمل الاشكال اللي نحبها حطه على سيليكون خبز او ورق زبدة جوا الحلة الاستانلس المسخنة ونضيف اربع تلجات ونقفل الحلة كويس جدا وندخلها الفرن اخد معايا
40 دقيقة تسوية شيلت الغطا لمدة 20 دقيقة لتحمير الوش.

🔻مابنقطعش الساوردو اول مايطلع بنسيبة يبرد تماما لإنه بيكون لسه
بيكمل عملية التسوية وممكن يعجن او يفرول وبالهنا 🫶🏼

#ساوردو ⁩⁩⁩⁩⁩

11/06/2026

بعد ما سيبت الرغيف ليلة فالتلاجة طلعته والخبز كان بنفس طريقة رغيف الساوردو العادي ( فرن مسخن مسبقا صنية فيها ماية للترطيب وسوتيه على حجر بيتا ممكن تسوه على اي صنية عندكم )
عندي كذا نقطة محتاجة اوضحها انا مش خبيرة ودي تجربة مقاربة للناس اللي عندها مشكلة جلوتين هما يقدروا يجربوا اكتر ويعملوا تجارب انجح كتيير مني انا بس بحاول اساعدهم وهما يكملوا

🔻النتيجة كان الطعم حامضي لااذع جدا ماعرفش هل دا بسبب الخميرة ولا إيه والملمس كان غريب بالنسبالي بس اظن لو نسبة السيليوم قلت او مثلا استخدمت سيليوم بدون بذور كتان كان ممكن يضبط اكتر
🔻اظن كمان كان ممكن اسويه فنفس اليوم اسيبه يخمر بس مدة اطول فالbulk fermentation عشان نحل مشكلة الحموضة

المكونات:
- الدقيق ( 150ج دقيق رز اسمر، 100ج دقيق شوفان، 100ج نشا
- 25ج قشور سيليوم
- 10ج بذور كتان مطحون (اختياري)
- 10ج شيا ( اختياري)
- 360ج إلى 370ج مااية
- 60ج خميرة طبيعية خالية من الجلوتين
- 6ج ملح

خطوات:
-تحضير "الجيل" بديل الجلوتين :
نخلط الـ 360ج مااية مع السيليوم، الكتان المطحون، وبذور الشيا ونقلبهم كويس جدا ونسيبه 15 دقيق بيتحول لعجينة هلامية او جيلاتينية دا اللي بيمنع الرغيف يتفتت ويتماسك
- خلط المكونات الجافة كلها الدقيق والملح
- بضيف الخميرة لمادة الهلامية او بديل الجلوتين واقلبهم كويس وبعدها بضيف الدقيق واعجنهم كويس.. لازم يتعجن كويس لحد مايوصل زي الصلصال انا عجنت شوية بالعجان وضفت شوية ماية
- بسيبها تخمر لمدة تقريبا من ٣- ٥ ساعات حسب الجو (مافيش اي جولات مد او شد وطي لان مافيش شبكة جلوتين)
- شكلت⁩ها وغطيتها كويس وسيبتها ليلة كاملة فالتلاجة
-طلعت الرغيف وعملتله scoring (تشريط) بالمشرط وبعد كدا دخلته ففرن مسخن مسبقا على اعلى درجة حرارة مع إضافة صنية فيها مايه للترطيب
-حطيت الرغيف على حجر بيتزا ممكن تحطوه فصنية عادي انا التسوية كانت بدون تغطية اخد فحدود نص ساعة
#ساوردو

Address

Ghernatah
Jeddah

Website

,

Alerts

Be the first to know and let us send you an email when A.Alsherbini posts news and promotions. Your email address will not be used for any other purpose, and you can unsubscribe at any time.

Shortcuts

Share