بالبيت أطيب BilbaytAtyab

بالبيت أطيب BilbaytAtyab 🤍 نكهة البيت ما في مثلها
🍰 وصفات مجربة ومضمونة
📚 أسرار الطبخ والحلويات
💡 معلومات موثوقة ونصائح عملية
✨ لأن نجاح الوصفة يبدأ بفهمها

جربوها كتار وانبهروا بالنتيجة 😍❤️وتعليقاتهم وتجاربهم موجودة عندي على الإنستغرام والتيك توك والفيسبوك 👌🏻✨ طريّة، هشّة، وب...
06/09/2026

جربوها كتار وانبهروا بالنتيجة 😍❤️
وتعليقاتهم وتجاربهم موجودة عندي على الإنستغرام والتيك توك والفيسبوك 👌🏻✨ طريّة، هشّة، وبتذوب من أول لقمة 😍🍰
شوفوا قلبها الرطب والمثالي… هيك الكيكة الصح.

🛒 المكونات
🥚 3 بيضات بدرجة حرارة الغرفة
🌿 1 ملعقة صغيرة فانيليا
🍚 1 كوب سكر
🫗 ½ كوب زيت نباتي
🥛 1 كوب حليب بدرجة حرارة الغرفة
🌾 2 كوب طحين
🥄 2 ملعقة صغيرة بيكنج باودر
🧂 رشة ملح

ملاحظة مهمة للطحين:
إذا كان الطحين عندكم نسبة البروتين فيه أكثر من 10%، شيلي ملعقة كبيرة طحين من كل كوب واستبدليها بملعقة كبيرة نشاء.

لتجهيز صينية البايركس:
🥄 1 ملعقة كبيرة طحينية (راشي)

👩🏻‍🍳 طريقة التحضير
🔥 التجهيز:
نشغّل الفرن مسبقًا على حرارة 170°C، وندهن صينية البايركس بالطحينية جيدًا من القاع والجوانب.
🌾 المواد الجافة:
ننخل الطحين مع البيكنج باودر ورشة الملح ونتركهم جانبًا.
🥚 الخفق:
نخفق البيض مع السكر والفانيليا لعدة دقائق، حتى يصير الخليط فاتح وكريمي ويتضاعف حجمه ويمتلئ بالهواء.
🫗 المواد السائلة:
نضيف الزيت بالتدريج مع استمرار الخفق، ثم نضيف الحليب ونخلط على سرعة هادئة فقط حتى يتجانس الخليط.
🌾 إضافة الطحين:
نضيف خليط الطحين على دفعات، ونقلب بلطف من تحت لفوق حتى يختفي الطحين ويتجانس الخليط بدون مبالغة بالخلط.
🔥 الخبز:
نسكب الخليط في صينية البايركس، وندخلها على الرف الأوسط في فرن محمّى مسبقًا على 170°C لمدة تقريبًا 35–40 دقيقة، حسب الفرن.

💡 ملاحظة مهمة جدًا لنجاح الكيكة بالبايركس:
بما إننا خبزناها بصينية بايركس، الأفضل نستخدم حرارة 170°C بدل 180°C ونضعها على الرف الأوسط، حتى تستوي بهدوء من الداخل وما تتحمر الأطراف بسرعة وهي لسه ما استوت من جوا.

🍰 وصحتين وألف هنا ❤️

ولا تنسوني من دعائكم ودعمكم بلايك 👍🏻 وتعليق حلو متلكم 💬
دعمكم ومتابعتكم بيسعدوني وبيشجعوني أكمل وأقدملكم وصفات أكتر ❤️







#كيك #كيكة

🍰 إنتِ فنانة بالكيك 😎 ولا في مشكلة لسه معذّبتك؟ 👀👇🏻شو أكتر مشكلة بتواجهك لما تعملي كيكة؟ 😩اكتبيلي مشكلتك بالتعليقات ❤️ور...
05/09/2026

🍰 إنتِ فنانة بالكيك 😎 ولا في مشكلة لسه معذّبتك؟ 👀👇🏻
شو أكتر مشكلة بتواجهك لما تعملي كيكة؟ 😩
اكتبيلي مشكلتك بالتعليقات ❤️
ورح جاوب على كل سؤال وأعطيك الحل بالتفصيل!




#كيكات
#كيكة

جمعة مباركة 🤍 ... صباح الخير من جدة، المملكة العربية السعودية 🇸🇦 ... لوين وصل الصباح؟ 🌍☀️خبروني من وين عم اتابعوني 😍فطور...
04/09/2026

جمعة مباركة 🤍 ... صباح الخير من جدة، المملكة العربية السعودية 🇸🇦 ... لوين وصل الصباح؟ 🌍☀️
خبروني من وين عم اتابعوني 😍

فطور السوريين بيوم العطلة إلو طقوسه 😋
شو فطوركم اليوم 😍🤎




#سوريا #جدة

🍝 إذا مكرونتك بتلزق ببعض أو بتتهرى مهما حاولتي… لا تلومي طريقة الطبخ قبل ما تشوفي هالتفاصيل! 👀👇🏻مو كل المعكرونة نفس الشي...
03/09/2026

🍝 إذا مكرونتك بتلزق ببعض أو بتتهرى مهما حاولتي… لا تلومي طريقة الطبخ قبل ما تشوفي هالتفاصيل! 👀👇🏻
مو كل المعكرونة نفس الشي… السر بالنوع + طريقة التعامل 😲🔥

🌾 أولاً: أنواع المعكرونة حسب المكوّن (اقرئي المكونات على الكيس)
1️⃣ المصنوعة من سميد القمح القاسي (Durum Wheat)
الأقوى والأكثر ثباتاً بالقوام. ما بيتفكك بسهولة وبيتحمّل الطبخ الطويل والتحريك والصوص بشكل ممتاز، لذلك هو الخيار الأفضل لوصفات الطنجرة الواحدة والمعكرونة اللي بتنطبخ مباشرة داخل الصوص أو المرق بدون سلق مسبق.
2️⃣المصنوعة من دقيق القمح + ماء فقط
أطرى وأخف وتنطبخ بسرعة، لكنها أكثر حساسية وممكن تلتصق أو تتهرى إذا زاد وقت الطبخ أو السلق.
3️⃣ مخلوطة (سميد + دقيق قمح)
بتعطي قوام متوازن بين القساوة والنعومة، وبتعتبر حل وسط بين النوعين، لكنها بدها انتباه أكثر أثناء السلق.

💧 ثانياً: معادلة السلق الصح
لكل 100غ معكرونة استخدمي 1 لتر ماء. كلما زادت كمية الماء قلّ تركيز النشا في ماء السلق وانخفضت فرصة التصاق المعكرونة ببعضها.
أما الملح، فالمقدار المناسب هو ملعقة كبيرة لكل لتر ماء، ويُضاف بعد الغليان ليعطي المعكرونة نكهة أفضل ومتوازنة.
⏱ أول دقيقة إلى دقيقتين هي الأهم، لذلك يُفضّل التحريك المستمر في البداية لأن معظم حالات الالتصاق تبدأ خلال هالفترة.
⌛ بالنسبة لوقت السلق، التزمي بالوقت المكتوب على الكيس أو ارفعيها وهي "أل دينتي" (Al Dente)، أي مستوية لكن ما زال فيها قساوة خفيفة من الداخل، لأنها رح تكمل استواءها مع الصوص.

🌟 ثالثاً: سر المطاعم
لا ترمي ماء السلق قبل ما تحتفظي بكوب منه.
هذا الماء غني بالنشا، وبيساعد على ربط الصوص، وبيعطي قواماً أكثر كريمية، وبيخلي الصوص يمسك بالمعكرونة بشكل أفضل.

❌ أكثر الأخطاء اللي بتخرب المعكرونة:
ماء قليل، عدم التحريك بالبداية، السلق الزائد، غسلها بالماء البارد بعد السلق، أو تركها بدون صوص مباشرة.
📌 مو كل وصفات المعكرونة بتنجح بنفس النتيجة مع كل الأنواع، لذلك قراءة المكونات على الكيس أحياناً أهم من اسم الشركة نفسها.

✨ الخلاصة:
المعكرونة مش بس نوع… هي طريقة تعامل وتكنيك. والتفاصيل الصغيرة هي اللي بتحدد إذا النتيجة رح تكون طبق عادي أو طبق بمستوى المطاعم.
💬 شاركوني بالتعليقات:
كنتوا تنتبهوا لنوع المعكرونة ومكوناتها قبل الشراء؟ وهل سبق وجربتوا وصفة طنجرة واحدة ونجحت معكم؟ 👇🍝
إذا حبيتو البوست 📌احفظوه عندكم و شاركوه مع أصحابكم وأهلكم لتعم الفائدة ..
لا تنسوني من دعمكم لايك 👍🏻 وتعليق 💬 حلو متلكم دعمكم ومتابعتكم بيسعدني ومهم جداً للإستمرار ولتقديم الأفضل 😍



#معكرونة
#طبخ


#مطبخ


🥒 شو أكتر مشكلة بتواجهكم بالمخلل؟ وكيف طريقتكم فيه؟ 👇🏻مخللك طلع طري؟ لونه تغيّر؟ ميّته عكرت؟ أو طلع مالح زيادة؟ 😩...أحيا...
03/09/2026

🥒 شو أكتر مشكلة بتواجهكم بالمخلل؟ وكيف طريقتكم فيه؟ 👇🏻
مخللك طلع طري؟ لونه تغيّر؟ ميّته عكرت؟ أو طلع مالح زيادة؟ 😩...أحيانًا منعمل المخلل بنفس الطريقة، ومع هيك النتيجة بتختلف من مرة للتانية 👀👇🏻
خلونا نضبطها من الأساس ونعرف أهم التفاصيل اللي بتفرق بالنتيجة 👇🏻
🥒 أول سر: نوع الخيار
اختاري خيار صغير، طازج، قاسي ومخصص للمخلل، وابتعدي عن الخيار الكبير أو الطري، لأنه ممكن يعطيكي مخلل طري حتى لو كانت الطريقة صحيحة.
✂️ واغسليه منيح واقطعي طرف الزهرة من كل حبة؛ لأنه ممكن يحتوي على إنزيمات تساعد على تطرية الخيار.

🧂 مخلل الخيار بالخل
لكل 1 ليتر مي:
- 🧂 60 غ ملح صخري خشن غير يودي
- 🍶 60 مل خل أبيض حموضة 5% (النسبة مكتوبة على العبوة)
- 🥄 1 ملعقة كبيرة سكر
- 🧄🌶️🌿 (ثوم، فلفل حار، حب كزبرة أو أي بهارات بتحبوها — إضافات اختيارية حسب الرغبة، وما بتأثر على نجاح الوصفة)
يعني إذا ما بتحبوا الثوم أو الفلفل، عادي تتركوهم تمامًا؛ نجاح المخلل بيعتمد على المحلول والطريقة، مو على هالإضافات.

🧂 الملح الخشن ولا الناعم؟
إذا استخدمنا نفس الوزن بالجرام، فالملح الخشن والناعم بيعطوا تقريبًا نفس كمية الملح.
لكن إذا اعتمدنا على الملعقة، فالملح الناعم بيتراص داخلها أكثر، فممكن تكون الملعقة منه أثقل وبالتالي تعطي ملوحة أعلى.
👉🏻 لذلك الأفضل نعتمد الوزن بالجرام بدل الملاعق، حتى تكون النتيجة أدق وثابتة.

🫙 الطريقة
1️⃣ اغلي المي مع الملح والسكر وحركي لحد ما يذوب الملح تمامًا.
2️⃣ اتركي المحلول يبرد بالكامل.
3️⃣ أضيفي الخل بعد ما يبرد.
4️⃣ رصّي الخيار بمرطبان نظيف ومعقّم جيدًا، وأضيفي البهارات إذا بتحبي.
5️⃣ اسكبي المحلول لحد ما يغمر الخيار بالكامل.
6️⃣ سكّري المرطبان بإحكام، وما تتركي أي خيار طالع فوق سطح المحلول.
⏳ غالبًا بيكون جاهز خلال 3–4 أيام، حسب حرارة الجو ودرجة النكهة اللي بتحبيها.
وبعد فتح المرطبان والبدء بالأكل، خزّنيه بالثلاجة وحافظي على الخيار مغمور بالمحلول.

🥒 طيب كيف منعمل المخلل المخمّر؟
إذا بدك تخمير طبيعي، هون ما منستخدم خل:
🧂 مي + حوالي 60 غ ملح لكل 1 ليتر مي، والخيار يكون مغمور بالكامل بالمحلول.
يُترك ليتخمّر بدرجة حرارة الغرفة عادةً 7–10 أيام، وممكن تزيد أو تنقص حسب حرارة الجو والطعم المطلوب.
خلال التخمير بتتكوّن الحموضة طبيعيًا نتيجة نشاط البكتيريا النافعة، لذلك ما منضيف الخل إذا هدفنا تخمير طبيعي.

💧 ليش المخلل بيطلع طري؟
• الخيار مو طازج أو كان طري من البداية.
• ما انقصّ طرف الزهرة.
• التخزين كان بمكان دافئ جدًا.
• الخيار ما كان مغمور بالكامل بالمحلول.

💧 وليش الميّة بتعكر؟
ممكن تتعكر بسبب نوع الملح، بعض الإضافات أو ظروف التخليل.
وبعد فتح المرطبان ممكن تلاحظي تغيّر بالميّة أو زيادة بالعكارة مع الوقت، بسبب تغيّر ظروف المرطبان ودخول الهواء والتعامل معه.
أما إذا ظهر عفن واضح، ريحة كريهة غير طبيعية، لزوجة أو تغير غريب بالقوام، فالأفضل التخلص منه.

🧂 وإذا طلع مالح زيادة؟
خدي بس الكمية اللي بدك تاكليها وانقعيها شوي بمي باردة لتخففي الملوحة حسب ذوقك، بدل ما تغيّري ميّة المرطبان كله.

💚 الخلاصة اللي لازم تحفظوها:
🥒 مخلل بالخل:
60 غ ملح + 60 مل خل أبيض حموضة 5% + 1 ملعقة كبيرة سكر
لكل 1 ليتر مي.
🥒 مخلل مخمّر:
حوالي 60 غ ملح لكل 1 ليتر مي، بدون خل، ويحتاج عادةً حوالي 7–10 أيام للتخمير.

📌 احفظوا المنشور عندكم لوقت تعملوا المخلل، وشاركوه مع كل حدا بيحب المخللات وبدّه يطلع معه مقرمش ولذيذ كل مرة 🥒❤️

وإذا وصلتو لهون، لا تنسوني من دعمكم لايك 👍🏻 وتعليق 💬 حلو متلكم ❤️
دعمكم ومتابعتكم للصفحة بتسعدني ومهمة جدًا للاستمرار وتقديم الأفضل 😍



#مخللات #مخلل #مقبلات

🥬🥒 مخمّر ولا مخلّل؟ 🤔كتير ناس بيعتبروا إنهم نفس الشي… بس في فرق مهم بيصير جوّا المرطبان! 👀👇🏻📌 أول شي: المخلّل هو المصطلح...
02/09/2026

🥬🥒 مخمّر ولا مخلّل؟ 🤔
كتير ناس بيعتبروا إنهم نفس الشي… بس في فرق مهم بيصير جوّا المرطبان! 👀👇🏻
📌 أول شي: المخلّل هو المصطلح الأوسع، والمخمّر الطبيعي هو نوع من المخلّلات.
لكن طريقة الحفظ والحموضة بتختلف حسب الطريقة.

🧂 المخمّر الطبيعي
خضار + ملح، أو محلول ملحي حسب نوع الخضار.
🦠 البكتيريا الموجودة طبيعيًا على الخضار بتتغذى على السكريات الطبيعية وبتنتج حمض اللاكتيك، ومن هون بتتكوّن الحموضة والطعم المميز للتخمير.
✨ وممكن يحتوي المخمّر الطبيعي على بكتيريا حية نافعة، وهاي من مميزات الأطعمة المخمّرة.
🚫 بدون خل أو حمض ليمون لإحداث الحموضة.

🍶 المخلّل بالخل
منضيف الخل كمصدر للحموضة، وممكن نضيف سكر وثوم وبهارات حسب الوصفة.
هون الحموضة جاية من الخل المضاف، مش من التخمير.

🔥 يعني الفرق ببساطة:
🧂 المخمّر الطبيعي → الحموضة نتيجة التخمير + ممكن يحتوي على بكتيريا حية نافعة.
🍶 المخلّل بالخل → الحموضة من الخل المضاف.

⚠️ ملاحظة لسلامة التخمير:
استخدموا نسبة ملح مناسبة، وخلو الخضار مغمورة بالكامل بالمحلول الملحي.
وإذا ظهر عفن أو علامات واضحة على فساد التخمير، الأفضل التخلص منه.

🥒 وهلأ بدي تجاربكم!
مين جرب يعمل الخيار مخمّر طبيعيًا من دون خل ولا سكر؟ 😍
قديش حطيتوا ملح؟
قديش تركتوه؟
وكيف كانت القرمشة والنكهة؟

وإذا ما جربتوه، اكتبولنا «ما جربت» 👇🏻

🥬💜 طريقة مخمّر الملفوف الأحمر موجودة بالتعليق المثبّت.

وإذا وصلتوا لهون، لا تنسوني من دعوة حلوة من قلبكم 🥹
وإذا حبيتوا المعلومة، ↗️ شاركوا البوست لحتى يعرف غيركم الفرق بين المخمّر والمخلّل. ❤️



#تخمير #مخمّر #مخللات #مخلل #مخمّر_الملفوف #مخمّر_الخيار #بروبيوتيك ّة

شو بتسمّوا هالحلو عندكم؟ 😍بسبوسة جوز الهند؟ بسبوسة الست كاسات؟ ولا له اسم تاني؟ 👇هالحلو إلو أكتر من اسم، وكل منطقة أو بل...
01/09/2026

شو بتسمّوا هالحلو عندكم؟ 😍
بسبوسة جوز الهند؟ بسبوسة الست كاسات؟ ولا له اسم تاني؟ 👇
هالحلو إلو أكتر من اسم، وكل منطقة أو بلد تقريبًا بيعرفه باسم مختلف ❤️

🥥 المقادير
3 حبات بيض
1 ملعقة فانيليا
1 كوب سكر
1 كوب زيت
1 كوب لبن رايب أو حليب أو لبن زبادي
1 كوب طحين
1 كوب جوز الهند
1 كوب سميد
1ملعقة كبيرة بيكنغ بودر

🍯 القطر
2 كوب سكر
1 كوب ماء
عصرة ليمون
ممكن إضافة ماء الزهر أو عود قرفة أو فانيليا لنكهة أغنى
نغلي السكر والماء، ونضيف عصرة الليمون، ونتركه يغلي 5–7 دقائق، ثم نترك القطر يبرد تمامًا.

👩🏻‍🍳 طريقة التحضير
1️⃣ نخفق البيض مع الفانيليا والسكر جيدًا.
2️⃣ نضيف الزيت واللبن، ونخلط حتى تتجانس المكونات.
3️⃣ نضيف الطحين وجوز الهند والسميد، ونقلب حتى يتجانس الخليط.
4️⃣ نسكب الخليط في قالب مدهون بالطحينية، وندخله فرنًا محمّى مسبقًا على حرارة 180°م حتى تنضج ويحمر وجهها.
5️⃣ نسقيها بالقطر البارد وهي ساخنة، ونتركها حتى تتشربه جيدًا.

❤️ وإذا طريقتكم مختلفة، خبروني شو بتعملوا غير هيك؟

ولا تنسوني من دعمكم لايك 👍🏻 وتعليق 💬 حلو متلكم
دعمكم ومتابعتكم للصفحة بتسعدني وبتهمني جدًا للاستمرار وتقديم الأفضل 😍




#بسبوسة #ريفاني #نمورة #حلويات

"ليس كل من يواسيك لا جرح عنده، ولا كل من يعطيك يملك أكثر منك .. الإيثار ليس إيثار متاع ومال فحسب، فقد يشاطرك أحدهم آخر ز...
01/09/2026

"ليس كل من يواسيك لا جرح عنده، ولا كل من يعطيك يملك أكثر منك .. الإيثار ليس إيثار متاع ومال فحسب،
فقد يشاطرك أحدهم آخر زاده من الصبر،
ويهبك ما تبقى في قلبه من أمل،
ويقتسم معك آخر ابتسامة قبل أن ينفرد بحزن طويل ..
فأحسِن استقبال الود .. فإنه ثمين"
قدّروا الودّ حين يأتيكم، فبعض القلوب تعطيكم من آخر ما تملك. 🌿
صباح الخير 🤎☕️




#قهوة
#قهوتي

لازم تجربوه 😍 بدون بيض، بدون طحين، بدون نشا وبدون سكر مضاف...حلى بارد بسيط، كريمي ولذيذ جدًا، وبيتحضر بمكونات قليلة 👌✨📝 ...
31/08/2026

لازم تجربوه 😍 بدون بيض، بدون طحين، بدون نشا وبدون سكر مضاف...حلى بارد بسيط، كريمي ولذيذ جدًا، وبيتحضر بمكونات قليلة 👌✨

📝 المقادير:
• 500 مل حليب
• ظرف كريم كراميل بودرة
• 150 غ بسكويت
• 100 غ شوكولا
• 100 غ قشطة معلبة للغاناش

👩🏻‍🍳 الطريقة:
نسخّن الحليب، ثم نضعه في الخلاط مع بودرة الكريم كراميل ونخلط جيدًا.
نضيف البسكويت ونخلط حتى نحصل على خليط ناعم ومتجانس.
وإذا بتحبوا طريقة أسهل: ممكن نحط الحليب وبودرة الكريم كراميل والبسكويت في وعاء على النار، وبعدها نضرب الخليط بالهاند بلندر حتى يصير ناعم ومتجانس.
نسكب الخليط في طبق التقديم ونتركه حتى تتماسك الطبقة الأولى.
لتحضير الغاناش، نذوب الشوكولا مع القشطة بحمام مائي أو بالمايكرويف، ثم نوزعه فوق الطبقة الأولى.
💡 ملاحظة: ممكن تتحكموا بسماكة القوام بإضافة القليل من الحليب أو البسكويت، حسب نوع البسكويت والقوام اللي بتحبوه.

خبروني… جربتوا هالترند أو لسا؟ 😍👇




#حلويات

31/08/2026

صباح الخير 🤎☕️
لا تتعب قلبك بمحاولة إرضاء الجميع… يكفي أن تكون صادقًا مع نفسك. 🌿



#قهوة
#قهوتي

Address

Jeddah

Website

Alerts

Be the first to know and let us send you an email when بالبيت أطيب BilbaytAtyab posts news and promotions. Your email address will not be used for any other purpose, and you can unsubscribe at any time.

Shortcuts

Share

Category