Farah Merie Interiors

05/10/2026

الإضاءة بتغيّر الطريقة اللي منشوف فيها الألوان كليّا، والشي اللي بيبين مناسب بالمحل ممكن يطلع مختلف تمامًا بالبيت. ولهيك إضاءة مكان المكياج لازم تكون محايدة، لا بيضا و لا صفرا و بتحاكي ضو الشمس الطبيعي، لحتى نشوف الألوان أقرب لحقيقتها ونحصل على نتيجة أدق. اكيد الانارة لاوم تجي بالوجه مش فوق الراس أبداً ابداً لتفادي الظلال.
#تصميم #اضاءة

04/10/2026

طاولة السفرة مش بس قطعة أثاث بالبيت، هي مساحة اساسيه بتجمع الناس و العيل حول وحدة من أبسط وأجمل لحظات الحياة و هي الأكل سوا. البار او الايلاند( الجزيرة) ليست بديل لطاولة السفره و لا تحل محلها ابدا .
#تصميم #ديكور

04/10/2026

03/10/2026

لما تجمع الصور من بنترست او غيره، على أساس مبدأ واتجاه واضح، بتكون مصدر مهم للإلهام وبتساعد المصمم يفهم شو بتحب وكيف بتتخيل مساحتك. حاول تبدأ ب ٢٠ صورة، اختزل منهم ١٠ و انزل للخمسه و حاول تفهم عامل الجذب بينهم بدل ما تتحول الصور لمجموعة أفكار ما إلها رابط.
#تصميم #ديكور

03/10/2026

Sweet dreams.. 🥰

#تصميم #فيلا #

02/10/2026

السعر والاسم مش بالضرورة دليل على الذوق، وحتى البراند المعروف و المشهور ما شرط يكون الخيار المناسب لمساحتك. الجودة ممكن تكون عالية، بس القيمة الحقيقية بتظهر لما تكون القطعة مناسبة للتصميم، للاستخدام، وللاستثمار البعيد المدى.
#تصميم #ديكور

01/10/2026

بالتصميم الداخلي، التغيير الصغير في الموقع مش دايمًا بيضل صغير و له تبعات كبيرة. أي تعديل خارج المخططات ممكن يغيّر النسب، التفاصيل، الإضاءة، ديكور الجدران و الفتحات، التكييف وحتى حركة الدرج، ولهيك كل تغيير لازم ينحسب بدقة قبل ما يتنفّذ.
#هندسة #تصميم

01/10/2026

المساحات الضيقه بتستدعي حلول مبتكرة و خاصة. في منزل عميلتنا في الرياض، دمجنا خزانة العبايات مع مغسلة الضيوف بشكل انيق و عصري..Small spaces require special attention and bespoke designs to accomodate client requests. This powder room /abaya storage combo is cute, fancy and ticks all the boxes. 💙

30/09/2026

البيت مش مجرد غرف، هو المساحات اللي بتجمع العيلة وبتخلق حياة اسرية مشتركة بينهم ان كان على سهرة، قعدة، لعبة، او عشا... لما التصميم ما ياخد بعين الاعتبار كيف العيلة بدها تقضي وقتها سوا، ممكن كل شخص يلاقي راحته بمكانه الخاص وتختفي المساحة اللي بتجمعهم فعلًا.
#تصميم #عائلة

29/09/2026

غرفة الطفل مش مجرد مساحة للنوم، هي مساحته الخاصة اللي بتشبه شخصيته واحتياجاته. وكل ما كبرو الأولاد واختلفت اهتماماتهم وروتينهم، بتصير الخصوصية والمساحة المنفصلة جزء ضروري من راحتهم وحياتهم اليومية.
#تصميم #بيت #ديكور