17/06/2026
أحياناً الناس بتشوف جزء صغير من حياة الشخص،
وبتبني عليه صورة كاملة عنه، بينما الحقيقة بتكون مختلفة تماماً.
الناس بتشوف النتائج، بس ما بتشوف التعب اللي سبقها، ولا الساعات الطويلة، ولا القلق، ولا المحاولات اللي نجحت واللي فشلت. بتشوف الشي الحلو والمرتب،
بس ما بتشوف كمية الجهد والإصرار اللي كانت وراه.
لهيك تعلمت ما أحكم على حدا من الظاهر، لأن كل إنسان عندو ظروفو،
وعندو قصة ما حدا بيعرف تفاصيلها غيرو.
وكل شخص عم يسعى بطريقتو حتى يبني شي يفتخر في أو يحقق حلم تعب كرمالو .
الدنيا مو منافسة بين الناس، والرزق مو مقارنة. كل واحد إلو نصيبو اللي كتبلو ياه الله ،
وما في أجمل من إننا نفرح لبعض وندعي لبعض بالخير والبركة بدل ما ننشغل بحياة غيرنا.
الله يرزق كل شخص على قد تعبه، ويبارك لكل إنسان عم يسعى ويجتهد، ويجعل قلوبنا مليانة محبة وخير للجميع 🥰🥰
