เว็บไซต์คืออะไร?

https://www.facebook.com/237430559461684/

Nann's Kitchen, Bangkok (2026)

23/05/2025

"၅မိနစ်ပဲကြာတဲ့ မနက်စာ🥪"

🗓လိုအပ်သောပစ္စည်းများ

-ပေါင်မုန့်
-အသားချောင်း
-ကြက်ဥ
-Tomato sauce
-Mayonnaise
-ဆား
-ငရုပ်ကောင်းမှုန့်

ပါမုန့်ပေါ် အသားချောင်းလေးစီပီးတင်
ဆော့စ်နဲ့ မရောနိစ်လေးတွေဆမ်း
ကြက်ဥလေးမွှေထည့်
အရသာလေးထည့်ပီး Microwave ထဲ ၂မိနစ်ထည့်လိုက်တာနဲ့ လွယ်ကူမြန်ဆန်ပီး အာဟာရပြည့်တဲ့ မနက်စာလေးရပါပြီနော်👏

စားကောင်းကြပါစေရှင့် 🥰

22/05/2025

"Coca Colaနဲ့ကြော်တဲ့ ကြက်တောင်ပံကြော်"🍖🥤

စားကောင်းတာမို့ လိုက်လုပ်ကြည့်နော်

🗓လိုအပ်သောပစ္စည်းများ

-ကြက်တောင်ပံ
-Coca Cola
-ဂျင်းအနည်းငယ်
-ဟင်းချက်ဆီအနည်းငယ်
-နာနတ်ပွင့် တပွင့်
-ဆားအနည်းငယ်

ပုံတစ်ပုံချင်းစီမှာ လုပ်နည်းလေးတွေ ရေးပေးထားတာမို့ တစ်ပုံချင်းစီ ထောက်ကြည့်ပေးပါနော်

09/05/2025

💕Air Fryer နဲ့ အခေါက်ကင် အလွယ်ဆုံးကင်နည်း

ဝက်သားကို ဆား နာနတ်ပွင့် ဂျင်း နံနံပင်အမြစ်ထည့်ပြီး ပွက်ပွက်ဆူနေတဲ့ရေထဲ ၁၅မိနစ်ပြုတ်ပါတယ်

ပြန်ဆယ်လိုက်ပြီး အခေါက်နေရာကို ခက်ရင်းနဲ့ နေရာအနှံ့လိုက်ထိုးပါတယ်

ဆား ရှာလကာရည် ခရုဆီ ငရုတ်ကောင်းထည့်ပီး ခဏနှပ်ပါတယ်

ကင်ခါနီးမှာ အခေါက်ကို ရှာလကာရည်သုတ်ပြီး Air Fryer ထဲ 180နဲ့ မိနစ်၃၀ ကင်ပါတယ် (ကင်တဲ့နေရာမှာ အခေါက်ကိုအပေါ်ကထားပါတယ်)

မိနစ်၃၀ပြည့်တဲ့ခါ အခေါက်ကို ဝက်သားကထွက်လာတဲ့ အဆီရွှဲနေအောင်ပြန်သုတ်ပီး ဆားပွတ်ပြီး 200နဲ့ မိနစ် ၂၅ ထပ်ကင်လိုက်တာနဲ့ ရပါပြီရှင်

စားကောင်းကြပါစေရှင် 🥰

08/05/2025

ကြာညို့ ဝယ်ရင် ဘလိုရွှေးရမလဲမသိရင် ဒီလိုလေးရွှေးပါနော်

(1) မြင်းသုံးကောင်ကြာညို့တံဆိပ် (အနီဖုံး)က အချိုကဲ အရသာဖြင့်ထုတ်လုပ်ထားပါတယ်
(ထမင်းကြော်၊ ခေါက်ဆွဲကြော် ၊ကြာဇံကြော် ၊ ဘဲကင် လုပ်ရာတို့တွင် အသုံးများပါတယ်)

(2) မြင်းပျံကြာညို့တံဆိပ် (အဝါဖုံး)ချိုငံ အရသာဖြင့် ထုတ်လုပ်ထားပါတယ်..
အဓိက ရှမ်းခေါက်ဆွဲ ၊တို့ဟူးနွေး ၊ တရုတ်အကြော်အလှော် များတွင်သုံးပါတယ်၊ ခေါက်ဆွဲဆိုင်များ ၊စားသောက်ဆိုင် များအဓိကအသုံးများသော ၊ အကြိုက်များသော မြင်းပျံကြာညို့ ဖြစ်ပါတယ်

22/04/2025

🎀ပုစွန်ချဉ်လုပ်နည်း (အကောင်ချဉ်)

ပြုလုပ်နည်း
************
ပုစွန်သေးသေး ၂၀ သားကို ခေါင်းဖြုတ်ပြီး ရေစင်အောင်ဆေးပါ။
ဇကာနဲ့ရေ ခဏစစ်ထားပြီး ဆားကို ခါတိုင်းဟင်းချက်တာထက် နဲနဲပိုထည့်ပြီး နှံ့အောင်နယ်ပါ။
နာရီဝက်လောက် ရေစစ်ထားပြီး ထမင်းပူပူနဲ့ ဆားနယ်ထားတဲ့ပုစွန်ကို ရောနယ်ပေးပါ။
နယ်ပြီးရင် ခြောက်သွေ့သန့်ရှင်းတဲ့ အနေတော် ဖန်ပုလင်းထဲကို ဖိသိပ်ပြီးထည့်ပါ။
ပုလင်းပြည့်အောင် အပေါ်ကနေ ဝါးရွက် ငှက်ပျောရွက်ဖိထည့်ပြီး လေလုံအောင်အဖုံးဖုံးကာ တစ်ည ထားလိုက်ပါ။
နောက်တနေ့အဖုံးဖွင့်ပြီး ပန်ကန်ပြားပေါ်မှောက်ထားပေးပါ။
ပုစွန်ချဉ်ပုလင်းမှ ထွက်ကျလာသော အရည်များကို နေ့တိုင်းသွန်ပစ်ပေးပါ။

အဲဒီအတိုင်း ၂ ရက် ၃ ရက်ထားပြီးရင် ပုစွန်ချဉ် ရပါပြီ။

ချဉ်ပြီးမှ ရေခဲသတ္တာထဲထည့်ပါ။

စားကောင်းကြပါစေရှင့် 🥰

19/04/2025

#ဝက်သားချဉ် #ထိုင်းစတိုင် #ဟင်းချက်နည်း

18/04/2025

“ထိုင်း ဝက်သားချဉ်”

ပါဝင်ပစ္စည်းများ....

၁။ ဝက်သားနုတ်နုတ်စင်း - ၁ ကီလိုဂရမ်
၂။ ဝက်အခေါက် - ၀.၅ ကီလိုဂရမ်
၃။ ကောက်ညှင်း - ၁ ပန်းကန်လုံး (သေးသေး)
၄။ ကြက်သွန်ဖြူထောင်း - ၁ ဇွန်း (ဇွန်းကြီး ၁ ဇွန်း)
၅။ ဆား - ၂ ဇွန်းခွဲ
၆။ အချိုမှုန့် - ၁/၂ ဇွန်း

ပြုလုပ်နည်း....

- ဝက်အခေါက်ကို နူးသည်အထိပြုတ်ပြီး အအေးခံကာ ပါးပါးလှီးထားပါ။

- ကောက်ညှင်းကို ရေဆေးပြီး ရေစစ်ထားပါ။

- ဝက်သားအကြေ၊ ဝက်အခေါက်၊ ကြက်သွန်ဖြူ၊ ဆား၊ အချိုမှုန့်တို့ကို ဇလုံတစ်ခုထဲအားလုံးထည့်ပြီး ရောမွှေပါ။ တစ်သားထဲဖြစ်အောင် နာရီဝက်ခန့် နယ်ပေးပါ။

- အနည်းငယ်ငန်သည်အထိ အရသာမြည်းကြည့်ပြီး ပလပ်စတစ်အိတ် (သို့) ငှက်ပျောရွက်ဖြင့် ထုပ်ပိုးပါ။

- ပလပ်စတစ်အိတ်ဖြင့်ထုပ်မယ်ဆိုလျှင် လေကုန်အောင်ထုတ်ပြီး ကျပ်ကျပ်ချည်ထားပါ။

- ပုံမှန်အခန်းအပူချိန်တွင် ၂-၃ ရက်ထားပါ။ (ရာသီဥတုအလိုက်)။ အလွန်ပူပါက ၂ ရက်အတွင်း အချဉ်ပေါက်လာနိုင်ပါသည်။ သုံးရက်လောက်ဆို စားလို့ရပါပြီး...။

17/04/2025

"မန်ကျည်းမှည့်အနှစ် ပြုလုပ်သိမ်းဆည်းနည်း"

ဟင်းချက်ဖို့ မန်ကျည်းရည်သုံးရတော့မယ်ဆို ဟင်းတအိုးစာအတွက် လုပ်တိုင်းအမြဲပိုနေတော့ အမြဲနှမျောရတယ်...

အခုလိုလေး အနှစ်လုပ်ပြီးသိမ်းထားရင် မှိုလည်းမတက်ပဲ နှစ်နဲ့ချီ အထားခံပါတယ်

မန်ကျည်းမှည့်အနှစ်ပြုလုပ်နည်း

-မန်ကျည်းမှည့် - ၆၅ ကျပ်သား
- ရှာလကာရည် - ၅ ဇွန်း
- ရေသန့် ၁ လီတာ

- မန်ကျည်းမှည့်ထဲ ရေသန့် ၁ လီတာထည့်ပြီး ၁၀ မိနစ်ခန့်စိမ်ထားလိုက်ပါ
(မန်ကျည်းမှည့်အဖတ်တွေ အရည်ပျော်သွားအောင် လက်နဲ့ချေလိုက်ပါ)
-ချေပြီး ဇကာနဲ့ မန်ကျည်းမှည့်ရည် စစ်လိုက်ပါ
-ရလာတဲ့မန်ကျည်းမှည့်ရည်ကို ရှာလကာရည် ထမင်းစားဇွန်း ၅ ဇွန်း ထည့်လိုက်ပါ
-မီးအေးအေးလေးနဲ့တည် မန်ကျည်းမှည့်ရည်ပွက်ပွက်ဆူလာတဲ့ထိ အဆက်မပြတ်မွှေပေးပါ။
-ဆူလာပြီးဆို ရှာလကာရည်အနံ့ပျောက်သွားပါလိမ့်မယ်
-ပြီးရင်အအေးခံပြီး ပုလင်း သို့ ဗူးထဲထည့်သိမ်းလို့ရပြီ
-လိုအပ်တဲ့ချိန်လိုအပ်သလိုသုံးလို့ရပြီး ပိုတာ မလောက်တာတို့ မဖြစ်တော့ဘူး

ပြီးရင် ရေခဲသေတ္တာထဲထည့်သိမ်းပြီး လိုတိုင်း အလွယ်တကူ ထုတ်သုံးရုံပါပဲနော်🥰

12/04/2025

“ပဲကြီးနှပ်”

-ကိုယ်နှစ်သက်ရာပဲကို ရေမြှုပ်အောင်ထည့်
-ကြက်သွန်နီ တစ်ဥပါးပါးလှီးထည့်
-ကြက်သွန်အဖြူထောင်းထည့်
-နနွင်းထည့်ပါ
(ငြုပ်အရောင်လိုချင်ရင် ငြုပ်အရောင်မှုန့်နဲနဲထည့်ပါ)
-ခရမ်းချဉ်သီးတလုံးလေးစိတ်ခြမ်းထည့်ပြီးချက်ပါ

-ရေခန်းခါနီးမှပဲမနပ်သေးရင် ရေနွေးထပ်ထပ်ထည့်သွားပါ
-မမွှေပါနဲ့နော်
-ပဲနပ်ခါနီးရင်တော့
ဆား အရသာမှုန့်နဲ့ ဆီကိုယ့်စိတ်ကြိုက်ထည့်ပါ -အရသာနှံ့အောင်အသာလေး မွှေပေးပါ

ပဲလဲနပ်ပြီ ရေလဲခန်းပြီ အရသာလဲကိုယ့်စိတ်ကြိုက်ဖြစ်ပြီဆိုရပါပြီ

သင်္ကြန်တွင်း သက်သတ်လွတ်စားမယ့်သူများအတွက်လည်း အရမ်းသင့်လျော်ပါတယ်နော်

စားကောင်းကြပါစေရှင့်🥰

10/04/2025

"ရခိုင်မုန့်တီ (အာပူလျှာပူ)"

ပါဝင်ပစ္စည်းတွေကတော့...
- မုန့်ဖတ်အမျှင်သေးသေး 50 ကျပ်သား
- ငါးခူ 30 ကျပ်သား
- ငရုပ်သီးစိမ်း 25 တောင့်
- ကြက်သွန်ဖြူအသဲ အခွန်ပါ 30 တက်ခန့်
- စိမ်းစားငါးပိ 1 ဇွန်း
- မန်းကျည်းသီးမှည့် 2 ဇွန်း
- စပါးလင် 2 ချောင်း
- ပဒဲကောသဲသဲ 1 တက်
- ငါးငံပြာရည် လိုအပ်သလို
- ဟင်းခတ်မှုန့် အနည်းငယ် (ကိုယ်လိုသလောက် ထည့်နိုင်သည်)

တွဲဖက်စားသုံးရန်...
- ငရုပ်သီး ပြုတ်ထားရည်
- မန်းကျည်းမှည့်ရည်
- ပဲကြော် (သို့) ငါးဖယ်ကြော်
- ကြက်သွန်ဖြူ ဆီချက်
- နံနံပင် ပါးပါးလှီး

-ပထမဆုံး ငါးခူအကောင်လိုက်ကို မီးသွေးပြာ (သို့) မန်းကျည်းမှည့်ရည်ဖြင့် အချွဲတွေပြောင်စင်အောင်ဆေးပါ
-ထိုငါးခူကိုငါးပိဇွန်းဝက်၊ ငံပြာရည်အနည်းငယ်၊ နနွင်းမှုန့်အနည်းငယ်၊ ဟင်းခတ်မှုန့် အနည်းငယ်တို့ဖြင့် နယ်ကာ စပါးလင်တစ်ခုကို ဓားပြားရိုက်ကာ ရေလေးမြှုပ်ရုံထည့်ကာနှူးသွားသည်အထိ ပြုတ်ပေးပါ ။
-ရေမခမ်းခင်ငါးခူနှူးသွားပြီးဆိုတာနဲ့ ဆယ်ယူ အအေးခံကာအသားတွေနွင်ထုပ်ပါ ။ ထိုအရိုးတွေကို လက်ကျန်ငါးပြုတ်ရေထဲထည့်ကာ ခေတ္တပြန်ပြုတ်ပေးပါ ။
-မန်းကျည်းသီးမှည့်ကိုလဲ ရေနွေးစိမ်ထားပါ ။
-ငရုပ်သီးစိမ်းတွေကို နှူးအောက်ပြုတ်ပြီးညက်နေအောင်ထောင်းပါ ။
-ဆားပါသည်ဆိုရုံလေးနဲ့ ရေနွေးလေးထည့်ကာ မပျစ်မကျဲလေးဖျော်ပါ ။ -ငါးဖယ်ကို အရသာထည့်နယ်ပြီးမိမိလိုချင်တဲ့ပုံစံလေးတွေကြော်ပြီး ဆီစစ်ထားပါ ။
-ကြက်သွန့်ဖြူ ကိုပါးပါးလေးတွေလှီးပြီး နနွင်းမှုန့်လေးနဲ့အတူဆီကိုသတ်ထားပါ ။ (ဆီများဖို့ မလိုအပ်ပါ )

အထက်ပါအရာတွေအဆင်သင့်ဖြစ်ပြီးဆိုရင်ဟင်းရည် စချက်ပါမယ် ။
-ပထမဆုံးအိုးတစ်လုံးမှာငါးပြုတ်ရည်ကိုစစ်ထည့်ပြီးလက်ကျန်ငါးပိ၊ ကြက်သွန်ဖြူထောင်း၊ ပဒဲကောကိုပါးပါးလှီးထည့် ငြုပ်ကုပ်စေ့ တစ်ဇွန်းကိုမညက်တညက်ထောင်းထည့်ပြီး စတင်အပူပေးပါ ။

-ထွက်လာတဲ့အညစ်အကြေးနဲ့ အမြုပ်တွေကိုစစ်ထုပ်ပါ ။ ရေအနည်းငယ်ဖြည့်စွက်ပြီး ထိုနည်းအတိုင်းပြုလုပ်ပါ ။ (ဟင်းရည်ကြည်လင်စေရန်ဖြစ်သည်)

အညစ်အကြေး အမြုပ်တွေကုန်စင်ပြီးဆိုတာနဲ့ ဟင်းရည်ထဲမှာပါနေတဲ့အရာတွေအားလုံးကို ဇကာတစ်ခုနှင့် ပြန်စစ်ထုပ်လိုက်ပါ ။

မီးဖော်ပေါ်ပြန်တင်ပြီး ငါးအသားတွေနွှင်ထည့်ကာ မီးလျှော့ချပြီး တပွက်ပွတ်ဆူမှာ ဟင်းရည်ကျအောင်ပြန်တည်ထားပါ ။

အရသာ (လိုအပ်ပါက) ဖြည့်စွက်ပါ ။

မုန့်ဖက်တစ်ပွဲစာထည့်ထားတဲ့ပန်းကန်ထဲကို ဟင်းရည်လောင်းချကာ ပဲကြော် (သို့) ငါးဖယ်ကြော် ကြက်သွန်ဖြူဆီချက်လေးထည့်ကာ ငရုပ်သီးစိမ်းပြုတ်ရည် မန်းကျည်းမှည့်ရည် နံနံပင် ငံပြာရည်တို့ကိုတော့စားသူအကြိုက်ထပ်ဖြည့်ပြီး စားသုံးနိုင်ပါပြီ။

စားကောင်းကြပါစေရှင် 🥰

08/04/2025

"ဖက်ထုပ်ပြုတ်"

လွယ်ကူရိုးရှင်းပြီး အရသာလည်းရှိတဲ့ သားသား၊ မီးမီးတို့လည်း ကြိုက်ကြတဲ့ ဖက်ထုပ်ပြုတ်လေး လုပ်စားကြရအောင်

ပါဝင်ပစ္စည်းများ...

ဝက်သား - ၁ဝဝ ဂရမ်
ဆီ - လိုအပ်သလို
ကြက်သွန်ဖြူ - ၃ မြွှာ (ဓားပြားရိုက်ပါ)
ကော်မှုန့် - စားပွဲဇွန်း ၁ ဇွန်း
ကြက်သွန်နီ - ၁ လုံး (၄ စိတ်စိတ်ပါ)
ဆား - အနည်းငယ်
မုန်လာဥနီ၊ ဂေါ်ဖီ၊ မုန်ညင်း၊
ကြက်သွန်မြိတ် - အနည်းငယ်စီ
(ပါးပါးလှီးထားပါ)
တရုတ်နံနံ - အနည်းငယ်
ဖက်ထုပ်အရွက် - ၂၀ ရွက်ခန့်
ပဲပြား - ၁ တုံး
ဟင်းခတ်မှုန့် - အနည်းငယ်
ပဲငံပြာရည်အကြည် - အနည်းငယ်
သကြား - အနည်းငယ်

ပြုလုပ်နည်း

၁။ ဇလုံတစ်လုံးထဲ ဝက်သားကို ငရုတ်ကောင်းမှုန့်၊ ဆား၊ သကြား၊ ကော်မှုန့်နှင့် ဆီ အနည်းငယ်ထည့်ပြီး အရသာ နယ်ပါ။
၂။ အသားလုံး ၅ လုံးခန့် လုံးပါ။
၃။ ဝက်သားပြားကို ဖက်ထုပ်ထဲ ထည့်ပါ။
၄။ ဖက်ထုပ်ကို ပြုတ်ပါ။
၅။ ရေဆူလာလျှင် ကြက်သွန်ဖြူ၊ ကြက်သွန်နီ၊ ကြက်သွန် မြိတ် အနည်းငယ်၊ ဆား၊ သကြား၊ ငရုတ်ကောင်းမှုန့်၊ ဟင်းခတ်မှုန့်နှင့် ပဲငံပြာရည်အကြည်တို့ကို ထည့်ပါ။
၆။ ရေဆူလာလျှင် ဝက်သားလုံးနှင့် ဖက်ထုပ်ကို တစ်ခါ
တည်း ထည့်ပါ။
၇။ ပဲပြားကို ထည့်ပါ။
၈။ ရေဆူလာလျှင် ပါးပါးလှီးထားတဲ့ အသီးအနှံများ
ထည့်ပါ။
၉။ ပြီးလျှင် ပန်းကန်မှာပြင်ပြီး သုံးဆောင်နိုင်ပါပြီ။

စားကောင်းကြပါစေရှင့် 🥰

07/04/2025

💦သင်္ကြန်ကာလရောက်ပီဆိုတော့ အိမ်မှာ သူငယ်ချင်းတွေ ၊ မိသားစုတွေနဲ့ မုန့်လုပ်စားချင်တဲ့ သူတွေအတွက် အုန်းနို့ကျောက်ကျောလုပ်စားကြရအောင်နော်💦

အုန်းနို့ကျောက်ကျောလုပ်ဖို့အတွက် လိုအပ်တဲ့ပါဝင်ပစ္စည်းတွေကတော့..

ကျောက်ကျောမှုန့် - 25 g

သကြား - 125 g

အုန်းနို့ - 400 ml

ရေ - 1500 ml

ဆား - လက်ဖက်ရည်ဇွန်း ၄ပုံတစ်ပုံ

ကျောက်ကျော ကျိုပြီးသားထည့်ရန် - ဗန်းတခု

ပြုလုပ်နည်း

၁။ ကျောက်ကျော ကျိုပြီးသားထည့်ရန် ဗန်းကိုပြင်ထားပါ။ ဇောက်နက်သော အိုးတလုံးထဲမှာ ကျောက်ကျောမှုန့် သကြားနှင့်ရေတို့ကို ပျော်အောင် ဖျော်ပေးပါ။

၂။ အားလုံး အရည်ပျော်သွားတာနဲ့ မီးအားပြင်းပြင်းနဲ့ကျိုပေးပါ။ ကျိုနေစဉ် ဝေမကျရန်နှင့် အိုးမကပ်စေရန် မကြာမကြာ မွှေပေးပါ။ ကျောက်ကျောရည် အတော် ပျစ်လာတာနဲ့ အုန်းနို့ထည့်ပြီး မွှေပေးပါ။

၃။ အုန်းနို့နဲ့ကျောက်ကျောရည် တော်တော်လေး ပျစ်လာပြီး ကြွက်မြီးတန်းလာပြီဆိုတာနဲ့ ပန်းကန်ပြား တချပ်ထဲကို ကျောက်ကျောရည် အစက်လေး ချကြည့်ပါ။

၄။ မိနစ်ဝက်လောက်နေပါက အစက်ချထားသော ကျောက်ကျောရည် ခဲသွားပါက အဆင်သင့်ပြင်ထားသောကျောက်ကျောထည့်မည့် ဗန်းထဲကို လောင်းချပေးပါ။

၅။ ပြီးတာနဲ့ ကျောက်ကျောဇန်းကို အအေးခံပေးပါ

ကျောက်ကျောများ အေးပြီးခဲသွားပါက မိမိနှစ်သက်သလို လှီးပေးပြီး သုံးဆောင်ရန် ပြင်ပေးနိုင်ပါပြီ။

စားကောင်းကြပါစေရှင် 💦🥰 he

Nann's Kitchen

23/05/2025

22/05/2025

09/05/2025

08/05/2025

22/04/2025

19/04/2025

18/04/2025

17/04/2025

12/04/2025

10/04/2025

08/04/2025

07/04/2025

ที่อยู่

เบอร์โทรศัพท์

เว็บไซต์

แจ้งเตือน

ทางลัด

แชร์

ประเภท