22/07/2026
إذا أول مرة بتشوفوا حسابي ؛ تابعوني لمزيد من الوصفات المميزة
مع هالشوب بدنا بودينج فواكه بارد ينعنشنا 😍😋🍇🍒🍌🍎
‼️وصفة سهلة وسريعة وطيبة كتير وهلأ وقتها 😍
احفظوا الوصفة وشاركوها مع أصحابكم لإنه لازم تجربوها 🥰‼️
المكونات :
٥ أكواب من الفواكه المقطعة ( الأنواع المتوفرة أو اللي بتفضلوها )
( استخدمت دراق / موز / خوخ / عنب / كرز / تفاح )
‼️ للموز والتفاح أضيفوا عصرة ليمون بعد ما تقطعوهم حتى ما يتأكسدوا ويسودوا معكم ‼️
فستق حلبي ( اختياري )
٢ م.ك بذور الشيا نقعتهم بثلث كوب ماء قبل اضافتهم لخليط الفواكه بربع ساعة ( اختياري )
للكاسترد :
٣ كوب حليب سائل
٣ م.ك سكر ( أو أكثر حسب الرغبة )
٣ م.ك بودرة الكاسترد
بآخد من كمية الحليب نصف كوب وبذوب فيه بودرة الكاسترد وبخليه على جنب
بسخن ال ٢.٥ كوب حليب المتبقيين مع السكر على نار متوسطة بدون ما يوصل للغليان بس بدي اياه يسخن وبضيف خليط الكاسترد وبستمر بالتحريك حتى يثقل
بتركه يصير دافي وبضيفه للفواكه وبخلطهم مع بعض ( لا تخلوه يبرد كتير حتى ما يجمد معكم )
بغطيه البودينج وبدخله الثلاجة حتى يبرد تماماً ( لمدة ٤ ساعات )
عند التقديم :
بزينه بكريمة خفق وحبات الكرز ورشة من الفستق الحلبي
‼️ ملاحظة ‼️:
أضيفوا شوي من العسل لكل صحن بتسكبوه عند التقديم لتحصلوا على أطيب طعم 🍯😋
#اكسبلورررر
